ओमराजे निंबाळकर भाषणाला उभे राहताच आंदोलकांची जोरदार घोषणाबाजी, थेट म्हटले, इथे येऊन मी..

पुण्यात एमपीएससीच्या विद्यार्थ्यांचे आंदोलन सुरू आहे. या विद्यार्थ्यांच्या काही मागण्या आहेत, त्याकरिता हे आंदोलन सुरू आहे. या विद्यार्थ्यांच्या भेटीला खासदार ओमराजे निंबाळकर पोहोचले होते. मात्र, विद्यार्थ्यांनी जोरदार घोषणाबाजी केली. ओमराजे निंबााळकर यांनी काही दिवसांपूर्वी शिवसेना शिंदे गटात प्रवेश केला. त्यांनी उद्धव ठाकरेंची साथ सोडल. ओमराजे निंबाळकर यांनी विद्यार्थ्यांसोबत संवाद साधताना म्हटले की, तुमची परीक्षा आयुष्यभरासाठी आहे, आमची निवडणुक 5 वर्षापुरती आहे. आमच्या पेक्षा तुमच्या यातना खुप जास्त आहेत. मला तुमच्या ज्या मागण्या आहेत, त्या मागण्या मान्य आहेत. सर्वसामान्य मानसाच्यासोबत जसा माझा कनेक्ट आहे तसाच आहे. यावेळी मुले घोषणा देत होते की, शिंदे साहेबांना फोन लावून राजीनामा मागा…

दोघांच्या ज्या मागण्या आहेत. तुम्हाला पाठिंबा द्यायला आलो माझं चुकलं का….? असा सवालच ओमराजे निंबाळकर यांनी यादरम्यान केला. तुमची भावना 100 टक्के सरकारपर्यंत पोहचवेल, अशी ग्वाही सरकारला ओमराजे निंबाळकर यांनी दिली. एमपीएससीच्या अध्यक्षांचा राजीनामा कोणाला घेता येतो…असेही त्यांनी म्हटले. विद्यार्थ्यांची समजूत काढताना ओमराजे निंबाळकर दिसले.

ओमराजे निंबाळकर यांचे भाषण सुरू असताना विद्यार्थ्यांनी गो बॅकच्या घोषणा दिल्या. काही झाले तेव्हा मी सामान्य माणसाची साथ सोडली नाही. ओमराजे मी असाच झालो नाही लय खालून धडका घेऊन झालो आहे, असेही त्यांनी म्हटले. पक्षांतरांचा विषय प्रामाणिक सांगायचा आहे… 24 तास मतदारसंघासाठी खपतय….त्या मतदारसंघात जेव्हा जिल्हा परिषद पंचायत समिती नगरपालिकाच्या निवडणुका झाल्या आमची एक पंचायत समिती यायची लायकी नव्हती का….?

सत्तेशिवाय माणसं काम करू शकत नाही, यामुळे आमचा पराभव झाला. राजीनाम्यासंदर्भात तुमचा विषय घेऊन मी सीएम साहेबांना भेटुन विनंती करेल, असेही ओमराजे निंबाळकर यांनी म्हटले. तुमची मागणी आहे, स्पर्धा परीक्षेच्या अध्यक्षाची राजीनामाची. तुमचा विषय घेऊन मी स्वतः मुख्यमंत्र्यांना भेटतो. तुमचीजी मागणी आहे, त्यावर कारवाई करण्याची मागणी मी करतो. विद्यार्थ्यांचा रोष बघता ओमराजे निंबाळकर यांनी आपले भाषण आटपते घेतले.