मुंबईत हादरली! एकतर्फी प्रेमातून अल्पवीयन मुलीची चाकूने सपासप वार करून हत्या, दुसऱ्यादिवशी जंगलात आढळला मृतदेह

मुंबईत दिवसेंदिवस गुन्हेगारी घटनांमध्ये वाढ होताना दिसत आहे. काही दिवसांपूर्वी पश्चिम रेल्वे मार्गवरील बोरिवलीत लोकल ट्रेनमध्ये एका प्रवाशाची हत्या झाली होती. बोरिवलीनंतर आता कांदिवलीतून हृदय हेलावून टाकणी बातमी समोर आली आहे. एकतर्फी प्रेमातून एका 22 वर्षीय नराधमाने इयत्ता 12 वीत शिक्षण घेणाऱ्या अल्पवयीन विद्यार्थिनीची निर्घृण हत्या केल्याची खळबळजनक घटना समोर आली आहे. अल्पवयीन मुलीच्या चेहऱ्यावर सपासप चाकून वार करून हत्या केली. या घटनेने संपूर्ण मुंबईत खळबळ उडाली आहे.

मिळालेल्या माहितीनुसार, कांदिवली पूर्वेतील दामूनगर सातारा कॅम्पजवळ एका तरुणाने एकतर्फी प्रेमातून अल्पवयीन विद्यार्थिनीची चाकूने चेहऱ्यावर 16 पेक्षा अधिक वार करून हत्या केल्याची घटना उघडकीस आली आहे. त्यानंतर त्याने तिचा मृतदेह जंगल परिसरात फेकला. पीडित मुलगी इयत्ता बारावीचे शिक्षण घेत होती. पोस्टमार्टममध्ये आरोपीने मुलीच्या चेहऱ्यावर चाकूने 16 पेक्षा जास्त वार केल्याचे आढळून आले आहे .

अल्पवयीच्या मुलीच्या हत्येनंतर संपूर्ण कांदिवलीत दहशतीचं वातावरण पसरलं आहे. या घटनेची माहिती मिळताच पोलिसांनी तात्काळ तपास सुरू केला आहे. पोलिसांनी तांत्रिक पुरावाच्या आधारे आरोपीला ताब्यात घेतलं आहे. आरोपीची ओळख 22 वर्षीय सूरज वाघमारे अशी झाली आहे. आरोपी सूरजा हा दामूनगर लहूगड येथील सरस्वती चाळीतील रहिवासी आहे.

पोलिसांच्या चौकशीत समोर आले की, आरोपी गेल्या अनेक दिवसांपासून पीडित मुलीवर प्रेमसंबंध ठेवण्यासाठी दबाव टाकत होता. तो आत्महत्येची धमकी देऊन तिला मानसिक त्रास देत होता. कुटुंबीयांनी याआधीही समता नगर पोलिसांत तक्रार दिली होती. तेव्हा पोलिसांनी आरोपीला ताब्यात घेतले होते, पण कुटुंबीयांनी त्याचे भविष्य खराब होऊ नये म्हणून FIR दाखल केली नव्हती.

घटनेच्या एका रात्री आधी पीडित मुलगी घरातून बेपत्ता झाली. कुटुंबीय जेव्हा आरोपीच्या घरी गेले, तेव्हा त्यांनी अनभिज्ञ असल्याचे नाटक केले. दुसऱ्या दिवशी जंगलात सिद्धीचा मृतदेह सापडताच संपूर्ण परिसरात खळबळ उडाली. सध्या पोलीस आरोपी सूरजकडे कसून चौकशी करत आहेत. हत्येमागील संपूर्ण कट आणि घटनाक्रमाचा तपास सुरू आहे. या निर्घृण हत्येने संपूर्ण कांदिवली हादरून गेली आहे.