विधानसभा निवडणुकीमध्ये लाडकी बहीण योजना गेमचेंझर ठरणार का? एकनाथ शिंदे स्पष्ट शब्दात म्हणाले…

विरोधक लाडकी बहीण योजना बंद करण्यासाठी कोर्टात गेलेत. आमच्या बहिणींना आम्ही एक आधार देत आहोत. पण यांच्या पोटात दुखू लागले आहे. किती खोडे घालायचे, माझ्या लाडक्या बहिणी या दुष्ट भावांना बरोबर जोडे मारतील. विरोधक या योजनेवर तुटून पडलेत, लाडकी बहीण योजनेचे फॉर्मपण भरतात आणि बॅनरही लावतात पण त्यावर मुख्यमंत्र्यांचा फोटो लावत नाही. विरोध करायचा आणि दुसरीकडे श्रेय घ्यायचं असं एकनाथ शिंदे म्हणाले.

अजित दादा फक्त एकाच योजनेबाबत नाहीतर इतरही योजनांबद्दल बोलत आहेत. विरोधकांना आता अडचण झाली आहे. लोकसभा निवडणुकीसारखं फेक नरेटिव्ह सेट करण्याचं त्यांचं स्वप्न धुळीला मिळालंय. जनता एकदा फसते पुन्हा पुन्हा फसत नाही. आम्हाला आरोपाला कामाने उत्तर देण्याची सवय आहे. या दोन वर्षांमध्ये राज्याच्या इतिहासामध्ये पहिल्यांदा इतकी कामे आणि निर्णय झाले. बहीण लाडकी आणि विरोधकांच्या छातीत भरली धडकी, असं म्हणत एकनाथ शिंदे यांनी विरोधकांना टोला लगावला.

मुख्यमंत्री एकनाथ शिंदेंचा उद्धव ठाकरेंवर निशाणा

छत्रपती शिवाजी महाराजांचा पुतळा उभा कसा राहिल याचा विचार करायला हवा. पण मोठे-मोठे नेते रस्त्यावर येऊन जोडे मारो आंदोलन करत आहेत. राजकारण कुठल्या थराला गेलं आहे, ही आपली संस्कृती नाही. आपल्या महाराष्ट्राची जनता सुज्ञ आहे. राजकारण करा पण कोणत्या थराला जायचं हे आपण ठरवलं पाहिजे सकाळी उठता बसता झोपेत आणि स्वप्नात उद्धव ठाकरेंना मीच दिसतो. सत्य परिस्थिती सरकार बदललं आहे हे मान्य केले पाहिजे. दोन सव्वादोन वर्षे काम करणारे सरकार काय अदृश्य नाही ना? असं म्हणत एकनाथ शिंदे यांनी उद्धव ठाकरेंवर निशाणा साधला.

बदलापूरमधील चिमुकलींसोबत झालेली घटना दुर्देर्वी पण त्याचे राजकारण त्यापेक्षा जास्त दुर्दर्वी आहे. या घटनेमधील आरोपीला फाशी होईपर्यंत स्वस्त बसणार नाही हे मी या ठिकाणी सांगतो. विशेष कोर्ट वकील जे सर्व काही लागेल त्यासाठी सरकार त्याच पाठपुरवठा करत असल्याचं एकनाथ शिंदे यांनी सांगितलं.