Mumbai Crime | महिलांनी नको ‘त्या’ ठिकाणी लपवलं कोकेन, पोलिसांनी लावला डोक्याला हात
डीआरआयने मुंबई विमानतळावर आज मोठी कारवाई केली आहे. डीआरआयने ड्रग्ज तस्करी प्रकरणी तीन परदेशी महिलांना अटक केलीय. या महिलांकडे तब्बल साडेपाच कोटींपेक्षा जास्त रुपयांचे ड्रग्ज आढळले आहेत. विशेष म्हणजे आरोपी महिलांनी नको त्या ठिकाणी ड्रग्ज लपवलं होतं.
ब्रिजभान जैसवार, Tv9 मराठी, मुंबई | 13 ऑक्टोबर 2023 : महाराष्ट्रात ड्रग्ज तस्करीच्या विरोधात कडक कारवाई सुरु आहे. मुंबई पोलिसांनी नुकतंच काही दिवसांपूर्वी 300 कोटींचं ड्रग्ज तप्त केलं होतं. त्यामुळे ड्रग्ज तस्करांचे चांगलेच धाबे दणाणले होते. पोलीस आणि इतर यंत्रणांकडून सातत्याने ड्रग्ज तस्करांविरोधात कारवाई सुरु आहे. पण तरीही ड्रग्ज तस्कर त्यातून धडा शिकताना दिसत नाहीत. विशेष म्हणजे ते वेगवेगळी शक्कल लढवून नको ते कृत्य करत आहेत. यामध्ये महिला तस्करांचादेखील समावेश आहे. आतादेखील तसाच प्रकार समोर आलाय. या महिला तस्करांनी तस्करीची तर परिसीमाच गाठलीय. कारण त्यांनी ज्या ठिकाणी कोकेन लपवलं होतं ते समोर आल्यानंतर पोलिसांनीदेखील स्वत:च्या डोक्याला हात लावला.
गुन्हेगार कोणत्या थराला पोहोचतील, काय करतील, चोरी कशी लपवतील, याचा काहीच भरोसा नाही. मुंबई विमानतळावर समोर आलेला आजचा प्रकार तसाच आहे. आरोपी महिला या विदेशातून आल्या होत्या. त्यांच्याकडे तब्बल 5 कोटी 68 लाख रुपयांचं कोकेन मिळालं आहे. विशेष म्हणजे या आरोपी महिलांनी नको त्या ठिकाणी कोकेन लपवलं होतं.
आपण अशाप्रकारे ड्रग्ज लपवलं तर आपलं कृत्य पकडलं जाणार नाही, असं आरोपी महिलांना वाटलं होतं. पण डीआरआयने आरोपी महिलांचं कृत्य हेरत त्यांना अटक केलीय. विशेष म्हणजे महिलांनी अशाप्रकारे लपवून ड्रग्जची तस्करी करणं हा प्रकार पहिल्यांदा घडलाय. याआधी देखील पोलिसांनी तस्कारांना अटक केलीय. पण सध्याचं प्रकरण वेगळं आहे.
568 ग्रॅम कोकेन जप्त
मुंबई विमानतळावरून 5.68 कोटी रुपयांचे कोकेन जप्त करण्यात आलं आहे. डीआरआयने तीनही परदेशी महिलांना अटक केली आहे. आरोपी महिलांकडून सॅनिटरी पॅड आणि गुदद्वारातून कोकेनची तस्करी केली जात होती, अशी धक्कादायक माहिती उघड झालीय. डीआरआयकडून 568 ग्रॅम कोकेन जप्त करण्यात आले आहे. आरोपींमध्ये दोन युगांडा देशाच्या महिला आणि एका टांझानियन महिलेचा समावेश आहे.
मिळालेल्या माहितीनुसार, युगांडाच्या आरोपी महिलांनी सॅनिटरी पॅडमध्ये कोकेन लपवलं होतं. तर टांझानियन महिला गुदद्वारातून कोकेनची तस्करी करताना पकडली गेलीय. संबंधित प्रकार समोर आल्यानंतर एकच खळबळ उडाली आहे. आरोपी महिलांना आज कोर्टात हजर करण्यात आलं. त्यांना कोर्टाकडून न्यायालीन कोठडी सुनावण्यात आलीय. डीआरआय याप्रकरणी सविस्तर तपास करत आहे.
