Emergency landing | मुंबईला येणाऱ्या विमानाचं इमर्जन्सी लँडिंग; अचानक बिघडली युवकाची तब्येत
ही प्लाईट सरळ मुंबईला येणार होती. पण, युवकाचे प्राण वाचविणे महत्त्वाचे होते. त्यामुळं जयपूर विमानतळावर इमर्जन्सी लँडिंग करण्याचं ठरविण्यात आलं. सकाळी सव्वासात वाजता विमान जयपूर विमानतळावर सुरक्षित उतरविण्यात आलं.
मुंबई : राजस्थानची राजधानी जयपूरमधील विमानतळावर (Jaipur Airport) विमानाचं इमर्जन्सी लँडिंग करण्यात आलंय. चंदीगडवरून मुंबईला विमान येत होतं. या विमानाला मेडिकलच्या कारणानं जयपूर विमानतळावर थांबविण्यात आलं. इंडियोची फ्लाईट (Indio Flight) आज सकाळी सव्वासहा वाजता चंदीगडवरून निघाली. 6 E-5284 हा इंडिगो विमान आहे. इंडिगोची फ्लाईट चंदीगडवरून मुंबईला (From Chandigarh to Mumbai) जात होती. मध्यंतरी शुभम नावाच्या मुलाची प्रकृती बिघडली. त्यानं ही माहिती संबंधितांना दिली. त्यानंतर निर्णय घेण्यात आला.
युवकाचे प्राण वाचविणे महत्त्वाचे
ही प्लाईट सरळ मुंबईला येणार होती. पण, युवकाचे प्राण वाचविणे महत्त्वाचे होते. त्यामुळं जयपूर विमानतळावर इमर्जन्सी लँडिंग करण्याचं ठरविण्यात आलं. सकाळी सव्वासात वाजता विमान जयपूर विमानतळावर सुरक्षित उतरविण्यात आलं. विमानतळावरून अॅम्बुलन्सनं ईएससीसी रुग्णालयात दाखल करण्यात आलं.
युवकावर रुग्णालयात उपचार सुरू
सध्या युवकावर रुग्णालयात उपचार सुरू आहेत. विमानातील सर्व प्रवासी सुरक्षित असल्याची माहिती आहे. यामुळं बऱ्याच प्रवाशांची गैरसोय झाली. पण, युवकावर औषधोपचार करणं महत्त्वांचं होतं. त्यामुळं हे इमर्जन्सी लँडिंग करण्यात आलं. आता युवकाची प्रकृती ठिक असल्याची माहिती आहे. मुंबईला येणाऱ्या प्रवाशांना येण्यास उशीर झाला.
सकाळी निघाली फ्लाईट
चंदीगड येथून सकाळी सव्वासहा वाजता इंडिगोची फ्लाईट मुंबईला येण्यासाठी निघाली. दरम्यान, एका युवकाची प्रकृती खराब झाली. त्याने संबंधितांना यासंदर्भात कळविलं. शुभम नावाच्या युवकाचे प्राण वाचविणे आवश्यक होते. त्यामुळं विमान प्रशासनानं जयपूर येथे विमानाचं इमर्जन्सी लँडिंग करण्याचं ठरविलं. त्यामुळं इतर प्रवाशांना मनस्ताप सहन करावा लागला. पण, त्या युवकावर वेळेवर उपचार झाले.
