मुंबईत पोलीस कुटुंबीयांचे मोफत लसीकरण, आदित्य ठाकरे यांच्या हस्ते मोहिमेचा शुभारंभ

मुंबई : कोरोना संकटात मुंबई पोलिसांनी कायदा आणि सुव्यवस्थेची जबाबदारी यशस्वीपणे पार पाडली आहे. आगामी काळातही त्यांच्यावर सर्वात महत्त्वाची जबाबदारी असेल. दरम्यान, या मुंबई पोलिसांच्या कुटुंबीयांसाठी आयोजित केलेल्या मोफत लसीकरण मोहिमेचा शुभारंभ आज पर्यावरण मंत्री आदित्य ठाकरे यांच्या हस्ते करण्यात आला. खासदार राहुल शेवाळे यांच्या पुढाकाराने चेंबूरच्या ग्रीन एकर्स शाळेत आयोजित केलेल्या या लसीकरण मोहिमेत 1000 पोलीस कुटुंबियांचे मोफत लसीकरण करण्यात आले. (Free vaccination of police families in Mumbai, Aditya Thackeray launches campaign)

“पोलीस बांधव हे आमच्या परिवाराचाच भाग असून त्यांच्या विविध समस्या प्राधान्याने सोडविणे, हे आमचे कर्तव्य आहे. तसेच अशा विशेष लसीकरण मोहिमांमुळे शासनावरील ताण काही प्रमाणात कमी होऊ शकेल,” अशा शब्दांत पर्यावरण मंत्री आदित्य ठाकरे यांनी मोहिमेचे लोकार्पण करताना आपल्या भावना व्यक्त केल्या. तर, पोलीस कुटुंबीयांसाठी अशा रीतीने भविष्यात आणखी विशेष मोहिमा आयोजित करण्याचा मानस खासदार राहुल शेवाळे यांनी व्यक्त केला.

फ्रंट लाईन वर्कर्स म्हणून सरकारच्या वतीने मुंबई पोलिसांचे मोफत लसीकरण शासनाच्या वतीने याआधीच करण्यात आले. मात्र पोलीस कुटुंबीयांचे लसीकरण सुकर आणि जलद व्हावे, या हेतूने खासदार राहुल शेवाळे यांच्या पुढाकाराने आणि श्रीमती तारादेवी फाऊंडेशन, सरकार ग्रुप यांच्या सहाय्याने ही विशेष लसीकरण मोहीम आयोजित करण्यात आली होती. याआधी पश्चिम उपनगरातील पोलीस कुटुंबियांसाठी वांद्रे येथे तर सीआयएसएफ जवनांसाठी अशीच लसीकरण मोहीम खासदार शेवाळे यांनी आयोजित केली होती.

आपण घरात असताना पोलीस रस्त्यावर आहेत. त्यांच्यासाठी आणि त्यांच्या परिवारासाठी काही करावे हे मनापासूनचे कर्तव्य आहे.

यावेळी महापौर @KishoriPednekar जी, पोलीस आयुक्त हेमंत नगराळे जी, आमदार @miprakashbhau जी, अपर पोलीस आयुक्त @sanjaydarade80 जी उपस्थित होते.

— Aaditya Thackeray (@AUThackeray) July 2, 2021

शुभारंभाच्या कार्यक्रमावेळी खासदार राहुल शेवाळे यांच्यासह मुंबईच्या महापौर किशोरीपेडणेकर, मुंबईचे पोलीस आयुक्त हेमंत नगराळे, आमदार प्रकाश फातर्फेकर, अप्पर पोलीस आयुक्त संजय दराडे, नगरसेवक अमेय घोले, अनिल पाटणकर, तारादेवी गुप्ता आणि इतर मान्यवर उपस्थित होते.

मुंबई पोलिसांच्या कुटुंबियांसाठी, माझ्या पुढाकाराने आणि सरकार ग्रुप, श्रीमती तारादेवी फाऊंडेशन च्या सहकार्याने आयोजित करण्यात आलेल्या मोफत लसीकरण मोहिमेचा शुभारंभ… https://t.co/UxpmhENVbK

— Rahul Shewale – राहुल शेवाळे (@shewale_rahul) July 2, 2021

इतर बातम्या

Aditya Thackeray LIVE | कोरोनाची दुसरी लाट अजून संपलेली नाही : आदित्य ठाकरे

Coroanvirus: मुंबईत 90 लाखांच्या टार्गेटपैकी 44 लाख नागरिकांचं लसीकरण संपन्न: आदित्य ठाकरे

(Free vaccination of police families in Mumbai, Aditya Thackeray launches campaign)