Juhi Chawla : हवेत जळालेल्या इंधनाचा वास, जुही चावलानं प्रदूषणावर व्यक्त केला संताप, नेटकऱ्यांनी घेतली फिरकी, म्हणाले, अच्छे दिन…
मुंबईत दिवाळीनंतर मोठ्या प्रमाणात प्रदुषणात वाढ झाली आहे. त्यातच अभिनेत्री जुही चावला हिने तिला मुंबईत येणाऱ्या एका विचित्र वासाबद्दल पोस्ट केली आहे. तिच्या या पोस्टमुळे मुंबईकरांमध्ये त्या वासाबद्दल कुतुहल निर्माण झाली आहे.
मुंबईकरांना सध्या हवेच्या प्रदुषणाचा त्राल सहन करावा लागत आहे. दिवाळीनंतर शहरातील हवेची गुणवत्ता खाल्यावल्याची चर्चा सुरू असतानाच आता मुंबईच्या हवेत एक विचित्र वास देखील पसरला आहे. गेल्या काही दिवसांपासून मुंबईच्या हवेत जळक्या इंधनासारखा वास येत आहे. अशी पोस्ट जुही चावला यांनी केला आहे. त्यांच्या या पोस्टमुळे मुंबईकरांमध्येही या वासाबद्दल चर्चा सुरू झाली आहे.
जुही चावला नेमकं काय बोलली?
जुही चावला हिने 12 नोव्हेंबर रोजी सोशल मीडिया प्लॅटफॉर्मवर पोस्ट शेअर केली. त्यात तिने लिहिलं आहे की, हवेत हाँ विचित्र जळक्या इंधनाचा वास नेमका कशामुळे येतोय, हे कोणीतरी सांगू शकेल का? हाँ वास रॉकेल किंना डिझेल जळल्यासारखा आहे. गेल्या अनेक दिवसांपासून हा वास मला येतोय. दिवसभर हा वास येत असतो. तुम्हालाही हा वास जाणवतोय का? असा प्रश्नही जूहीने मुंबईकरांना विचारला आहे.
Will someone please tell me what this strange burnt-fuel smell in the air is..?? Almost like kerosene or diesel. I’ve been noticing it for several days now, from early morning and at different times through the day. Is anyone else smelling this too? Let me know..
— Juhi Chawla Mehta (@iam_juhi) November 12, 2026
जुही चावला हिने हा प्रश्न उपस्थित केला, त्याचवेळी मुंबईतील वायुप्रदुषणाचा मुद्दा देखील चर्चेत आहे. दिवाळीनंतर शहरातील हवेची गुणवत्ता खालावली होती. 9 नोव्हेंबर मुंबईची हवा गुणवत्ता निर्देशांक AQI 171 होता. तर मागील वर्षी हा आकडा 134 वर होता. शहरातील आठ हवा गुणवत्ता मोजणी केंद्रावर हवेची गुणवत्ता खराब श्रेणीत नोंदवण्यात आली होती.
दिवाळीच्या काळात फटाक्यांमुळे आगीच्या घटनांमध्येही वाढ झाली. 6 ते 9 नोव्हेंबर दरम्यान मुंबई अग्निशमन दलाला एकूण 282 आगीसंबंधीचे कॉल आले, त्यापैकी 200 कॉल फटाक्यांशी संबंधित होते. 8 नोव्हेंबर रोजी तर एका दिवसात 142 कॉलपैकी 137 कॉल फटाक्यांमुळे लागलेल्या आगीचे होते. दरम्यान जुही चावला हिने सांगितलेल्या विचित्र वासाचं नेमकं कारणं अद्याप स्पष्ट झालेलं नाही. हा वास प्रदुषणामुळेच येत आहे,असंही निश्चित झालेलं नाही.
नेटकऱ्यांनी केला संताप व्यक्त
जुही चावलाने ही पोस्ट शेअर करताच नेटकऱ्यांचा त्यावर संताप पाहायला मिळत आहे. कोणी म्हणतंय की विकास रोस्ट होतोय मॅडम, हे प्रदुषण आहे तर दुसऱ्याने म्हटलंय की हा मोदी करत असलेल्या विकासाचा वास आहे. तर तिसऱ्याने लिहिलंय की तुम्ही जर याविरोधात काही बोलू शकत नसाल तर गप्प् बसा हा तुम्हाला हव्या असणाऱ्या अच्छे दिनचा वास आहे.
