पेशवे काळातील फडणीशी लोकशाहीत चालत नाही, विसरू नका; अमोल मिटकरी यांचा देवेंद्र फडणवीस यांच्यावर निशाणा

मुंबई : राष्ट्रवादीचे नेते, विधान परिषद आमदार अमोल मिटकरी यांनी राज्याचे उपमुख्यमंत्री देवेंद्र फडणवीस यांच्यावर जोरदार निशाणा साधला आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यात बिनसल्याचंही मिटकरी म्हणालेत. तसंच बाळासाहेब ठाकरेंना विसरलात का?, असा सवाल अमोल मिटकरींनी एकनाथ शिंदेंना विचारला आहे.

देवेंद्रजी फडणवीस वैफल्यग्रस्त झाले आहेत. नैराश्यातुन ते बेताल सुटले आहेत. पेशवे काळातील फडणीशी लोकशाहीत चालत नाही हे बहुतेक ते विसरलेत. मी त्यांच्या अनेक मुलाखती पाहतो मात्र परवा मुलाखतीत ते आतुन पोखरल्याचे व शिंदें सोबत बिनसल्याचे स्पष्ट जाणवते आहे, असं अमोल मिटकरी म्हणाले आहेत.

देवेंद्रजी फडणवीस वैफल्यग्रस्त झाले आहेत. नैराश्यातुन ते बेताल सुटले आहेत. पेशवे काळातील फडणीशी लोकशाहीत चालत नाही हे बहुतेक ते विसरलेत.मी त्यांच्या अनेक मुलाखती पाहतो मात्र परवा मुलाखतीत ते आतुन पोखरल्याचे व शिंदें सोबत बिनसल्याचे स्पष्ट जाणवते आहे.#नैराश्य

— आ. अमोल रामकृष्ण मिटकरी (@amolmitkari22) June 29, 2023

हे सुराज्य व्हावे हीच जनतेची इच्छा, अशी जाहिरात केल्याचा फोटो मिटकरींनी शेअर केलाय. यावर शिवसेनाप्रमुख बाळासाहेब ठाकरे यांचा फोटो दिसत नाही. त्यावरून अमोल मिटकरींनी एकनाथ शिंदे यांना विचारला आहे. बाळासाहेब ठाकरेंना विसरलात? जनता माफ करेल असं वाटतं का?, अस, असं मिटकरी म्हणाले.

बाळासाहेब ठाकरेंना विसरलात? जनता माफ करेल असं वाटतं का?@mieknathshinde pic.twitter.com/35oOMe2yGz

— आ. अमोल रामकृष्ण मिटकरी (@amolmitkari22) June 30, 2023

राष्ट्रवादी आणि भाजप यांचं सरकार आणण्यासाठी शरद पवार यांच्यासोबत आमची बैठक झाली होती. त्या बैठकीत महाराष्ट्रात सरकार स्थापन करण्याचं पक्क ठरलं. कशा प्रकारे सरकार स्थापन करायचं याची मोड्स ऑपरेंडी तयार झाली होती, असा खळबळजनक दावा देवेंद्र फडणवीस यांनी एका वृत्तवाहिनीला दिलेल्या मुलाखतीत केला.

राष्ट्रवादीसोबत सरकार स्थापनेबाबतचा करार झाला. अजित पवार आणि मी हे पुढे नेणार असं ठरलं. आम्हा दोघांना अधिकार दिले गेले. त्या हिशोबाने आम्ही संपूर्ण तयारी केली. पण सरकार स्थापन करण्याच्या तीन चार दिवस आधी शरद पवार यांनी माघार घेतली, असा मोठा गौप्यस्फोट देवेंद्र फडणवीस यांनी या मुलाखतीत केला आहे. त्यावर अमोल मिटकरी यानी यावर भाष्य केलंय.