Mumbai Local : ओव्हरहेड वायर तुटली, मानखुर्द-पनवेल दरम्यान लोकल वाहतूक विस्कळीत; चाकरमानी त्रस्त
Mumbai Local : रेल्वे सेवा विस्कळीत झाल्याने हार्बर मार्गावरील रेल्वेस्थानकांमध्ये तुफान गर्दी झाली आहे. त्यातच मुंबई आणि नवी मुंबईत पावसाने चांगला जोर धरल्याने प्रवाशांची चांगलीच तारांबळ उडाली असून त्यामुळे प्रवाशी आणखीनच संतप्त झाले आहेत.
मुंबई: मानखुर्द ते पनवेल दरम्यान हार्बर मार्गावर (mumbai harbour local) ओव्हरहेड वायर तुटल्याने या मार्गावरील लोकलसेवा (mumbai local) विस्कळीत झाली आहे. पहिल्याच पावसात ऐन सकाळी सकाळीच लोकलची ओव्हरहेड वायर तुटल्याने प्रवाशांना मोठा फटका बसला आहे. तब्बल 15 ते 20 मिनिटे या मार्गावरील वाहतूक विस्कळीत झाली आहे. त्यामुळे प्रवाशांना सीएसटीकडे जाण्यासाठी अन्य पर्यायी मार्गाचा अवलंब करण्याचा किंवा ट्रान्स हर्बरचा उपयोग करण्याचं आवाहन रेल्वे प्रशासनाने केलं आहे. मात्र, ऐन सकाळी सकाळीच लोकलचा फटका बसल्याने प्रवाशी त्रस्त झाले आहेत. तसेच रेल्वे सेवा विस्कळीत झाल्याने हार्बर मार्गावरील रेल्वेस्थानकांमध्ये तुफान गर्दी झाली आहे. त्यातच मुंबई आणि नवी मुंबईत (mumbai) पावसाने चांगला जोर धरल्याने प्रवाशांची चांगलीच तारांबळ उडाली असून त्यामुळे प्रवाशी आणखीनच संतप्त झाले आहेत.
मुंबईसर नवी मुंबईत मध्यरात्रीापासून पावसाला सुरुवात झाली आहे. त्यामुळे अनेक ठिकाणी पाणीच पाणी झाले आहे. तसेच पावसाने चांगला जोर धरल्याने मुंबई आणि नवी मुंबईत हवेत गारवा पसरला आहे. मात्र, पहिल्याच पावसात मानखुर्द ते पनवेल दरम्यान ओव्हरहेड वायर तुटली. त्यामुळे या मार्गावरील लोकलसेवा विस्कळीत झाली. त्यामुळे मुंबईला येणाऱ्या लोकल नवी मुंबईतच थांबल्याने मुंबईकडे जाणाऱ्या प्रवाशांची प्रचंड गैरसोय झाली. त्यामुळे हार्बर मार्गावरील सर्वच रेल्वे स्थानकांवर तुफान गर्दी झाली. ऐन सकाळी सकाळी लोकलचा खोळंबा झाल्याने प्रवाशी चांगलेच त्रस्त झाले होते.
लोकलचा खोळंबा आणि पाऊस
एकीकडे लोकलचा खोळंबा झालेला असतानाच दुसरीकडे पावसाने चांगलाच जोर धरल्याने प्रवाशांची चांगलीच तारांबळ उडाली. गर्दीतून लोकलमध्ये चढताना प्रवाशांची चांगलीच धावपळ झाली आहे. प्रचंड गर्दीमुळे काही प्रवाशी फर्स्ट क्लासच्या डब्यातूनही प्रवास करताना दिसत आहेत.
रेल्वेकडून नवा पर्याय
हार्बर रेल्वे विस्कळीत झाल्याने सर्वच स्थानाकात तुफान गर्दी झाली आहे. त्यामुळे रेल्वे प्रशासनाने प्रवाशांना सीएसटीकडे जाण्यासाठी पर्यायी मार्ग अवलंबण्यास सांगितलं आहे. तसेच ट्रान्सहार्बरवरून प्रवास करण्यास प्रवाशांना मुभा दिली आहे. त्यामुळे प्रवाशांनी ट्रान्स हार्बरवरून प्रवास करण्यास सुरुवात केली आहे. तर काही प्रवाशांनी थेट एसटी आणि बसने मुंबई गाठण्यास सुरुवात केली आहे.
