बारावी पास, रोजची कमाई ५ ते १० कोटी, बँक खाते पाहून मुंबई पोलीस झाले हैराण

गोविंद ठाकूर, मुंबई : मुंबई पोलिसांच्या नावाखाली ऑनलाइन फसवणुकीचे प्रकार वाढते आहेत. चीनमध्ये बसून लोकांची बँक खाती रिकामी करणारी टोळी पोलिसांनी शोधली आहे. या टोळीतील म्होरक्या फक्त बारावी पास आहे. परंतु त्याची रोजची कमाई पाच ते दहा कोटी रुपये होती. त्याचे टीम मेंबर अनेक शहरांमध्ये पसरले आहे. पुरुषांपेक्षा महिलांना टारगेट करुन ते फसवणूक करत होते. मुंबई पोलीस असल्याचे सांगून ही फसवणूक होत होती.

मास्टर माइंट अटकेत

पोलीस उपायुक्त (जोन -11) अजय कुमार बंसल यांनी सांगितले की, मास्टरमाइंट श्रीनिवास राव दाडी (49) फक्त 12 पर्यंत शिकला आहे. परंतु तंत्रज्ञानात खूप माहीर आहे. लोकांची फसवणूक करत कमवलेला पैसा दाडी त्याच्या पत्नीच्या खात्यात टाकत होता. एक दिवसाची कमाई पाच ते दहा कोटी होती. दाडी हा सर्व पैसा चीनमधील नागरिकास पाठवत होता आणि तो क्रिप्टोकरंसीमध्ये बदलत होता.

कोठून केली अटक

मुंबई पोलीस झोन 11 चे डीसीपी अजय कुमार बन्सल यांनी सांगितले की, या आरोपींना कोलकाता, मुंबई आणि विशाखापट्टणम येथून अटक करण्यात आली आहे. अटक करण्यात आलेल्या आरोपींविरुद्ध पुणे ग्रामीण, पिंपरी चिंचवड, पुणे शहर, हैदराबाद, सायबराबाद, बेंगळुरू, दिल्ली, कोलकाता आणि इतर अनेक शहरांमध्ये अशा ऑनलाइन फसवणुकीचे गुन्हे उघडकीस आले आहेत.

कोण आहेत आरोपी

सुमारे दीड महिन्याच्या अथक परिश्रमानंतर या पाच आरोपींना अटक करण्यात आली आहे. त्यात संजय नीळकंठ मंडळ, अनिमेश अजितकुमार वैद्य, महेंद्र अशोक रोकडे, मुकेश अशोक दिवे यांचा समावेश आहे. मुख्य आरोपीचे नाव आहे श्रीनिवास राव सुब्बाराव दाडी (वय 49 वर्षे) आहे. तो हैदराबाद, तेलंगणाचा रहिवासी आहे. पोलिसांनी त्याला विशाखापट्टणम येथील नोव्होटेल हॉटेलमधून अटक केली.

अशी करत होते फसवणूक

अटक करण्यात आलेले आरोपी स्वतःला मुंबई पोलिसांचे अधिकारी सांगत होते. त्यासाठी त्यांनी डुप्लिकेट पोलीस ओळखपत्र तयार केले होते. अनेक वेळा पोलिसांचा युनिफॉर्म घालून व्हिडिओ कॉलवर ते बोलत होते. लोकांना फोन करून तुमच्या नावाच्या कुरिअरमध्ये ड्रग्ज सापडले आहेत, असे सांगत होते. मग कारवाईच्या नावाखाली धमकावून त्यांचे बँक खाते व इतर तपशील घेऊन ऑनलाइन पैसे ट्रान्सफर करत होते. बँकेचा तपशील मिळाल्यावर ५ मिनिटांत संपूर्ण बँक खाते रिकामा केले जात होता. जे काही पैसे ट्रान्सफर करायचे ते मुख्य आरोपीच्या पत्नीच्या बँक खात्यात जात होते.

चीनचे काय आहे कनेक्शन

पोलिसांच्या तपासात मुख्य आरोपीने सांगितले की, त्यांचा मास्टरमाइंड चीनमध्ये बसला आहे. त्याच्या इशाऱ्यावर लोक भारतातील विविध राज्यांमध्ये पोलिस अधिकाऱ्यांच्या नावाने ऑनलाइन फसवणूक करतात. यात मुख्य आरोपी श्रीनिवास सुब्बाराव दाडी याचा अल्पवयीन मुलगाही आहे, मात्र तो सध्या चीनमध्ये आहे.

हे ही वाचा

चीनमध्ये बसून मुंबई पोलिसांच्या नावाने फसवणूक, पाच मिनिटांत बँक खाते रिकामे, काय आहे प्रकार?