वानखेडेंच्या वडिलांचं नाव दाऊद, बहिणीचे लग्नही मुस्लिम रिवाजाने, समीर वानखेडेंच्या पहिल्या सासऱ्याकडून पोलखोल

मुंबई : नार्कोटिक्स कंट्रोल ब्युरो अर्थात एनसीबीचे संचालक समीर वानखेडे यांच्यावर कॅबिनेट मंत्री नवाब मलिक यांनी सातत्याने प्रश्न उपस्थित केल्यानंतर आता समीर वानखेडे यांच्या पहिल्या पत्नीचे वडील डॉ. जाहीद कुरेशी यांची पहिली प्रतिक्रिया पुढे आली आहे. समीर वानखेडे यांचे कुटुंब पूर्वी मुस्लिम होते, अशी माहिती समीर वानखेडेंचे पहिले सासरे डॉ. जाहीद कुरेशी यांनी टीव्ही-9 शी खास बातचीत करताना दिली.

डॉ. जाहीद कुरेशी काय म्हणाले?

“समीर वानखेडे यांचे कुटुंब पूर्वी मुस्लिम होते. शबाना कुरेशीसोबतचा विवाह मुस्लिम धर्माच्या रितीरिवाजानुसार पार पडला होता. समीर वानखेडेच्या वडिलांचे नाव दाऊद होते, समीरच्या बहिणीचेही लग्न मुस्लिम कुटुंबात झाले आहे”, असं त्यांनी सांगितलं.

“समीर वानखेडेंचे कुटुंब हिंदू आहे हे आम्हाला माहित नव्हते. जेव्हा हे प्रकरण मीडियामध्ये आले तेव्हा आम्हाला कळले की ते हिंदू आहेत. समीर वानखेडेंची आई मुस्लिम होती आणि आमचे त्यांच्याशी खूप चांगले संबंध होते”, असंही ते म्हणाले.

तसेच, सध्या आम्हाला या प्रकरणात पडण्याची गरज नाही आणि आम्हाला यावर बोलायचेही नाही, असं डॉक्टर कुरेशी यांनी सांगितलं.

नवाब मलिकांनी ट्विट केलेला निकाहनामा खरा, मौलानांनी खरं खरं सांगितलं

राष्ट्रवादी काँग्रेसचे राष्ट्रीय प्रवक्ते आणि अल्पसंख्यांक मंत्री नवाब मलिक यांनी समीर वानखेडे यांच्या पहिल्या लग्नाचा निकाहनामा ट्विट केला होता. ज्यांनी समीर वानखेडे आणि डॉ. शबाना कुरेशी यांचा निकाह लावला ते मौलाना मुज्जमिल अहमद समोर आले आहेत. टीव्ही नेटवर्कच्या रिपोर्टरनं निकाहनामा दाखवला असता मौलाना मुज्जमिल अहमद यांनी तो निकाहनामा खरा असल्याचं सांगितलं आणि त्यांनी त्या निकाहनाम्यावरील सही माझीचं असल्याचंही सांगितलं.

मौलाना मुज्जमिल अहमद नेमकं काय म्हणाले?

समीर आणि शबाना हे दोन्ही मुस्लीम असल्याचं सांगितलं गेलं त्यामुळं काझीनं निकाह लावला. जर दोन्हीपैकी एकजण मुस्लीम नसते तर त्यांचा निकाह झाला नसता. समीर वानखेडे आणि ज्ञानदेव वानखे़डे हे मुस्लीम होते त्यामुळे त्यांचा निकाह झाला. टीव्ही नेटवर्कच्या रिपोर्टरनं निकाहनामा दाखवला असता मौलाना मुज्जमिल अहमद यांनी तो निकाहनामा खरा असल्याचं सांगितलं आणि त्यांनी त्या निकाहनाम्यावरील सही माझीचं असल्याच सांगितलं आहे. समीरच्या लग्नावेळी सर्वजण मुस्लीम असल्याचं सांगण्यात आलं होतं. समीर वानखेडे यांच्या पहिल्या लग्नावेळचा फोटो दाखवला असता तो देखील खरा असल्याचं मौलाना म्हणाले.

नवाब मलिकांनी जो निकाहनामा ट्विट केलाय तो खरा आहे, मौलानांनी खरं खरं सांगितलं, सहीसुद्धा दाखवली !https://t.co/yswGJrP8KT#NawabMalik | #SameerWankhdede | #Mumbai | #DrugsCase | @nawabmalikncp

— TV9 Marathi (@TV9Marathi) October 27, 2021

संबंधित बातम्या :

KP Gosavi | अखेर के पी गोसावी पुणे पोलिसांच्या जाळ्यात, सकाळीच अटकेची कारवाई

आर्यन खान प्रकरणात हॅकर मनीष भंगाळेंची एन्ट्री, धक्कादायक गौप्यस्फोट करत पाच लाखांच्या ऑफरचा दावा