AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

मुंबई, मोदी आणि राऊत, प्रचाराचं रणशिंग ते ‘मर्दुमकी’ची भाषा, राजकीय हल्लकल्लोळ!

मुख्यमंत्र्यांनी आम्ही मोदींचेच माणसं आहोत आणि त्यांसोबतच आहोत असं जाहीरपणे सांगितलं. पण असं सांगण्यात कोणती मर्दुमकी, अशी टीका संजय राऊतांनी केलीय.

मुंबई, मोदी आणि राऊत, प्रचाराचं रणशिंग ते 'मर्दुमकी'ची भाषा, राजकीय हल्लकल्लोळ!
Sanjay patil
Sanjay patil | Updated on: Jan 20, 2023 | 11:56 PM
Share

मुंबई : पंतप्रधान मोदींनी मुंबईतून महापालिकेच्या निवडणुकीचं रणशिंगच फुंकलं. मोदींनी मुंबईकरांना महापालिका निवडणुकीत आशीर्वाद देण्याचं आवाहन केलं. तर आम्ही मोदींचेच माणसं असं म्हणणाऱ्या शिंदेंवर ठाकरे गटानं टीकास्त्र सोडलंय. राहुल गांधींच्या भारत जोडो यात्रेत सहभागी झालेल्या राऊतांनी, जम्मू मधून जळजळीत वार केलेत.

मुंबईतून पंतप्रधान मोदींनी एकप्रकारे बीएमसी निवडणुकीच्या प्रचाराचं रणशिंग फुंकलं. तर मुख्यमंत्री एकनाथ शिंदेंच्या एका वक्तव्यानं, ठाकरे गटानं जोरदार टीका केलीय. नुकतंच गुंतवणुकीचे करार करुन, शिंदे दावोसवरुन परतले. तिथला अनुभव सांगताना, मुख्यमंत्र्यांनी आम्ही मोदींचेच माणसं आहोत आणि त्यांसोबतच आहोत असं जाहीरपणे सांगितलं. पण असं सांगण्यात कोणती मर्दुमकी, अशी टीका संजय राऊतांनी केलीय.

राऊतांच्या याच जळजळीत टीकेनंतर, शिंदे गटानं पुन्हा संजय राऊतांना घेरलंय. फडणवीसांबरोबरच, स्वत: पंतप्रधान मोदींनीही पुढचं लक्ष्य मुंबई महापालिकाच आहे दाखवून दिलंय. मोदी आतापर्यंत थेट उद्धव ठाकरेंवर बोलले नाही. पण बीकेसीतल्या मैदानातून, त्यांनी मुंबईतल्या रस्त्यांची स्थिती आणि दुसरीकडे महापालिकेच्या बँकेतल्या फिक्स डिपॉझिटवरुन निशाणा साधला.

मुंबई महापालिकेचं 2022-23 चा अर्थसंकल्प हा तब्बल 45 हजार 949 कोटींचा इतका आहे. म्हणजेच गोवा, सिक्कीम, नागालँड आणि त्रिपुरा या राज्याचं बजेट जेवढं असतं त्यापेक्षा अधिक एकट्या मुंबईचं बजेट आहे. मुंबई महापालिकेची बँकांमध्ये तब्बल जवळपास 1 लाख कोटींची एफडी आहे.

मुंबई महापालिकेत सलग 25 वर्षांपासून शिवसेनेची सत्ता आहे. 2017 मध्येच भाजपला आपला महापौर करण्याची संधी आली होती. मात्र त्यावेळी युतीच्या सरकारवर परिणाम नको म्हणून फडणवीसांनी शिवसेनेचा मार्ग मोकळा केला.

मुंबई महापालिका 2017च्या निवडणुकीवेळी राज्यात सत्तेत असतानाही, भाजप आणि शिवसेना दोघेही स्वतंत्र लढले होते. त्यावेळी भाजपचे 82 नगरसेवक निवडणूक आले. तर शिवसेनेनं 84 जागा जिंकल्या. विशेष म्हणजे भाजपनं या निवडणुकीत 35 नगरसेवकांवरुन 82 पर्यंत मोठी झेप घेतली.

आता तर परिस्थिती बदललीय. शिवसेनेत उभी फूट पडलीय. उद्धव ठाकरे शिवसेना आणि बाळासाहेबांची शिवसेना असे दोन गट झालेत. त्यामुळं शिंदेंच्या नेतृत्वात बाळासाहेबांची शिवसेना सोबत असल्यानं मुंबईत भाजपसाठी मोठा आधार आहे…आणि शिंदे तर आतापासून ट्रिपल इंजिनचं सरकार येणार असं म्हणतायत.

मुंबई महापालिकेवर भाजपचा भगवा फडकवण्यासाठी गेल्या सप्टेंबर महिन्यापासून भाजपनं तयारी सुरु केलीय..लालबागच्या राजाच्या दर्शनाच्या निमित्तानं अमित शाहांनी मुंबईत बैठक घेतली होती..आणि तसंच पुन्हा आशिष शेलारांना मुंबई भाजपच्या अध्यक्षपदाची धुरा देत, इरादे स्पष्ट केले. आता मोदींनीही मुंबईकरांना आशीर्वाद देण्याचं आवाहन केलंय.

Follow Us
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला