Sada Sarvankar: सदा सरवणकर यांच्या फोटोला काळे फासून, बॅनर फाडला; शिवसेनेचे बॅनर नव्याने लागले; मुंबईत शिवसैनिक आक्रमक
सदा सरवणकर यांचे वेगवेगळ्या ठिकाणी लावलेले पोस्टर उतरून त्या ठिकाणी आता बाळासाहेब ठाकरे, मुख्यमंत्री उद्धव ठाकरे आणि आदित्य ठाकरे यांचे फोटो असलेले पोस्टर आता पोस्टर वेगवेगळ्या ठिकठिकाणी लावण्यात आले आहेत.
मुंबई: शिवसेनेचे कट्टर शिवसैनिक (Shivsainik) अशी ओळख असलेल्या एकनाथ शिंदे (Eknath Shinde) यांनी बंडखोर केल्यानंतर राज्यातील शिवसैनिकांनी वेगवेगळ्या ठिकाणी त्यांचा रोष व्यक्त केला. कोल्हापूरातही शिवसैनिकांनी रस्त्यावर उतरून त्यांनी बंडखोर आमदारांबद्दल आपला राग व्यक्त केला आहे. त्याच प्रमाणे आता मुंबईतही शिवसैनिक आक्रमक होत, त्यांनी राग व्यक्त करण्यास सुरूवात केली आहे. मुंबईतील सदा सरवणकर (MLA Sada Sarvankar) यांचे पोस्टराला काळे फासून फाडण्यात आले आहे.
सदा सरवणकर यांचे वेगवेगळ्या ठिकाणी लावलेले पोस्टर उतरून त्या ठिकाणी आता बाळासाहेब ठाकरे, मुख्यमंत्री उद्धव ठाकरे आणि आदित्य ठाकरे यांचे फोटो असलेले पोस्टर आता पोस्टर वेगवेगळ्या ठिकठिकाणी लावण्यात आले आहेत.
सदा सरवणकर गद्दार है
दादर माहीमचे असलेले सदा सरवणकर नुकताच एकनाथ शिंदे यांच्या बंडखोर आमदार गटात सामील झाले होते. त्यामुळे शिवसैनिकांनी आक्रमक होत सदा सरवणकर यांची वेगवेगळ्या ठिकाणी लागलेले पोस्टरला काळे फासून ती फाडून टाकण्यात आली आहेत. यावेळी सदा सरवणकर गद्दार है च्या घोषणाही देण्यात आल्या आहेत. त्यामुळे काही काळ या ठिकाणी वातावरण तंग बनले होेत.
देशद्रोही असल्याच्या घोषणा
सदा सरवणकर एकनाथ शिंदे गटात दाखल झाल्यानंतर त्यांच्याविरोधात शिवसैनिक आक्रमक झाले आहेत. दादर-माहीम मतदारसंघाचे आमदार सदा सरवणकर हे देशद्रोही असल्याचा उल्लेख करत शिवसैनिकांनी त्यांचे बॅनर फाडून बॅनरला काळी फिती आणि काळेही फासण्यात आले आहे.
शिवसैनिक आक्रमक
सदा सरवणकर हे मुंबईतील दादर-माहीम येथील शिवसेनेचे आमदार आहेत. मुंबईतील शिवसेनेचे आमदार हे कट्टर असून ते उद्धव ठाकरेंची बाजू सोडणार नाहीत, असा विश्वास होता. मात्र मुंबईतील पुन्हा तीन आमदार गुवाहाटीत गेल्यानंतर राज्यातील शिवसैनिक गुवाहाटीत गेल्यानंतर शिवसैनिक आक्रमक होते पोस्टरला काळे फासून फाडण्यास सुरूवात करण्यात आली आहेत.
दीपक लांडेंचेही पोस्टर फाडले
आता मुंबईतील अनेक ठिकाणी बंडखोर आमदारांची पोस्टर फाडून त्या जागी आता बाळासाहेब ठाकरे, मुख्यमंत्री उद्धव ठाकरे आणि आदित्य ठाकरे यांची पोस्टर्स आता वेगवेगळ्या ठिकाणी लावण्यात आली आहेत. दीपक लांडे यांचीही पोस्टर्सला काळू फासून तीही पोस्टर्स फाडण्यात आली आहेत. त्यामुळे बंडखोर आमदारांबद्दल शिवसैनिकांमधून तीव्र असंतोष व्यक्त करण्यात येत आहे.
