यूपीए काळात पेट्रोल, डिझेल एक रुपयाने महागलं तरी तांडव करणारी भाजपा आता मूग गिळून गप्प का? राष्ट्रवादीचा सवाल
यूपीए सरकारच्या काळात एक रुपयांनी पेट्रोल- डिझेल महाग झाले तर तांडव करणारे भाजप आता मूग गिळून गप्प का असा थेट सवाल राष्ट्रवादी काँग्रेसचे राज्य मुख्य प्रवक्ते महेश तपासे यांनी केला आहे.
मुंबई : यूपीए सरकारच्या काळात एक रुपयांनी पेट्रोल- डिझेल महाग झाले तर तांडव करणारे भाजप आता मूग गिळून गप्प का असा थेट सवाल राष्ट्रवादी काँग्रेसचे राज्य मुख्य प्रवक्ते महेश तपासे यांनी केला आहे. (why bjp is quiet about Petrol Diesel Price hike, NCP raised question)
मोदीसरकारच्या काळात पेट्रोल – डिझेल व गॅस दरवाढ भरमसाठ झाली आहे. केंद्र सरकारने पेट्रोलवर एक्साईज ड्युटी दिडशे टक्क्यांनी वाढवली आहे. मात्र युपीए सरकारमध्ये आंतरराष्ट्रीय कच्च्या तेलाची किंमत सर्वाधिक असतानादेखील माजी पंतप्रधान मनमोहन सिंग यांनी त्यांच्या कुशल आर्थिक धोरणामुळे पेट्रोल डिझेल व गॅसची किंमत कमी ठेवली होती, याची आठवणही महेश तपासे यांनी भाजपला करुन दिली आहे.
महाराष्ट्रात आता गॅसवर सबसिडी मिळणं बंद झालं आहे. पेट्रोल डिझेलने सर्वसामान्यांचे कंबरडे मोडले आहे. जवळपास सहा महिन्यात 190 रुपयांची दरवाढ ही फक्त गॅस सिलेंडरमध्ये झाली आहे. भाजपने स्वतःची नैतिकता विसरुन भांडवलशाहीचे राजकारण देशात सुरू केले आहे, असाही आरोप महेश तपासे यांनी केला आहे.
पुण्यात पेट्रोलचं शतक
इंधन दरवाढीने (Fuel Prices) सर्वसामान्यांच्या खिशावरचा भार वाढला आहे. मागच्या तीन ते चार महिन्यात ठराविक अंतराने देशातले पेट्रोल (Petrol) आणि डिझेलचे (Diesel) भाव सातत्यानं वाढत गेले. पुण्यात पेट्रोलनं पहिल्यांदा शंभरी पार केली.
सीएनजीचे दर वाढले
पेट्रोल आणि डिझेलच्या सातत्याने वाढत्या किंमतींमुळे अनेक वाहनचालक सीएनजीला (CNG) प्राधान्य देताना दिसत आहेत. पण ऑगस्ट महिन्यात सीएनजीचे दर 90 पैशांनी वाढले आहेत. 2 ऑगस्टला सीएनजीचे दर वाढले होते. त्यानंतर मात्र, दर स्थिर आहेत.
24 ऑगस्टनंतर इंधनादरांत बदल नाही
17 जुलै ते 24 ऑगस्टदरम्यान एकदाही पेट्रोल आणि डिझेलचे दर वाढलेले नाहीत. याऊलट याकाळात चार वेळा डिझेलच्या दरात काही पैशांची कपात झाली होती. त्यानंतर दर स्थिर आहेत. गेल्या काही महिन्यांमध्ये पेट्रोल आणि डिझेलच्या दरांमध्ये सातत्याने चढउतार पहायला मिळाला आहे. पण 24 ऑगस्टनंतर इंधनाच्या दरांमध्ये कसलेही बदल झालेले नाहीत.
दररोज 6 वाजता बदलतात किमती
दररोज सकाळी 6 वाजता पेट्रोल आणि डिझेलच्या किमतीत बदल होत असतो. सकाळी सहा वाजता नवे दर लागू केले जातात. पेट्रोल आणि डिझेलच्या किमती एक्साइज ड्युटी, डिलर कमिशन आणि अन्य गोष्टी जोडल्यानंतर त्याचा भाव जवळपास दुप्पट होतो.
असे तपासा पेट्रोल आणि डिझेलचे भाव
आपण एसएमएसच्या माध्यमातून पेट्रोल आणि डिझेलच्या किमती जाणून घेऊ शकता. पेट्रोल-डिझेलच्या किमती दररोज सकाळी 6 वाजता बदलतात. इंडियन ऑइलच्या वेबासाइटनुसार, RSP बरोबर आपल्या शहराचा कोड टाइप करून 9224992249 नंबरवर SMS पाठवावा लागणार आहे. या शहराचा कोड वेगवेगळा असतो. बीपीसीएल ग्राहक RSP लिहून 9223112222 आणि एचपीसीएल ग्राहक HPPrice लिहून 9222201122 या नंबरवर मेसेज पाठवून पेट्रोल आणि डिझेलच्या किमती जाणून घेऊ शकतात.
इतर बातम्या
(BJP Were protesting when petrol, diesel became expensive by one rupee during UPA govt, why BJP is silent now? asked by NCP)
