फार मोठ्या नटसम्राटाला आपण मुकलोय, छगन भुजबळांबाबत अजित पवार असं का म्हणालेत?

मुंबई : राष्ट्रवादीचे नेते छगन भुजबळ यांचा अमृतमहोत्सवी सोहळ्यात विरोधी पक्षनेते अजित पवार बोलत होते. अजित पवार म्हणाले, छगन भुजबळ यांनी राजकारण, समाजकारण केलं. क्रीडा, नाटक, चित्रपट, अभिनय अशा अनेक गोष्टीत ते रमतात. जीवनाचा मनापासून आनंद घेणारं असं हे व्यक्तिमत्व आहे. चित्रपटात काम केलं. फार मोठ्या नटसम्राटाला महाराष्ट्र मुकला. नाहीतर बाकीच्यांचं काही खरं नव्हतं. असंही अजित पवार म्हणाले. 1985 दैवत, 1990 मध्ये नवरा बायको या दोन चित्रपटांची निर्मिती त्यांनी केली, याची आठवण पवारांनी छगन भुजबळांच्या बाबतीत करून दिली.

अजित पवार म्हणाले, 1986 मध्ये बेळगावमध्ये छगन भुजबळ घुसले होते. मराठी माणसाचा आवाज सीमाभागात काम करत राहिले. राष्ट्रपती भवनानंतर महाराष्ट्र भवन अतिशय चांगला आहे. त्यातही भुजबळांचा मोठा वाटा आहे.

गेलेलं सरकार भुजबळ यांनी आणलं. ठोसास ठोसा कसा द्यायचा याचं उदाहरण म्हणजे छगन भुजबळ. नुसत राजकारण केलं नाही. शैक्षणिक क्षेत्रात क्रांती केली, हेही अजित पवारांनी सांगितलं. पण, सध्या राज्याची राजकीय संस्कृती लोप पावत चालली आहे, अशी खंत अजित पवार यांनी व्यक्त केली.

लढाऊ वृत्ती. संकटावर मात करून बचेंगे तो और भी लढेंगे अशी त्यांची ओळख आहे. अनेक अडचणी आल्या. बाळासाहेब ठाकरे नाराज होते. पण, नंतर त्यांची नाराजी दूर झाली. बाळासाहेबांच्या बद्दल असलेला आदर दिसतो.

भुजबळ साहेबांच्या हाताखाली काम करण्याची संधी मिळाली. जीव ओतून काम करायचं. राष्ट्रवादीत अनेक जबाबदाऱ्यांवर काम केलं. स्वतंत्र अमिट ठसा उमटवला. तत्पूर्वी शिवसेनेच्या स्थापनेत त्यांनी महत्वाची भूमिका पार पाडली. आघात घडले. पण,ते डगमगले नाहीत, अशी छगन भुजबळ यांची महिमा अजित पवार यांनी यावेळी गायिली.