वह एसी होटल में मीटिंग लेते रहें और हम धूप में…; काँग्रेसच्या युवा आमदाराचा रोख नेमका कुणाकडे?

झिशान सिद्दिकी

Image Credit source: Facebook

काँग्रेसचे वांद्रे पूर्व मतदारसंघाचे आमदार झिशान सिद्दिकी यांनी शायराना अंदाजात आपला संताप व्यक्त केल आहे. वरुण सरदेसाई आणि काँग्रेस नेत्यांमधील भेटीगाठींबद्दल बोलताना झिशान सिद्दिकी यांनी हे विधान केलं आहे. वह एसी होटल में मीटिंग लेते रहें… हम धूप में लोगों के साथ खड़े रहेंगे. वह बातें करते रहे वह चर्चा करते रहें. हम काम करते रहेंगे और हम जनता के दिल जीतते रहेंगे, असं झिशान सिद्दिकी यांनी म्हटलं आहे. मुंबईत टीव्ही 9 मराठीशी बोलताना त्यांनी हे विधान केलं आहे.

झिशान सिद्दिकी काय म्हणाले?

ठाकरे गटाचे युवा नेते वरूण सरदेसाई आणि काँग्रेस नेत्यांच्या भेटीबाबत काँग्रेसच्या वरिष्ठ नेत्यांकडे तक्रार करून मी थकलो आहे. असं असलं तरी वरुण सरदेसाई आणि काँग्रेस नेत्यांमधील या भेटीची तक्रारही मी करणार आहे. तूर्तास त्यांनी अशा एसी हॉटेल्समध्ये सभा घेत राहा. पण आम्ही उन्हातान्हात जनतेच्या पाठीशी उभे राहू. ते बोलत राहतील. चर्चा करत राहू. आपण काम करत राहू आणि लोकांची मने जिंकत राहू, असं झिशान सिद्दिकी म्हणालेत.

वांद्रे पूर्व मतदारसंघावर काय म्हणाले?

वरुण सरदेसाई काँग्रेसच्या बैठकीत एकटे गेले तर कदाचित त्यांना काँग्रेसमध्ये जावे लागेल. मात्र काँग्रेस पक्षाने मला या बैठकीला बोलावले नाही. आजकाल मला काँग्रेसच्या कोणत्याही बैठकीला बोलावले जात नाही. पण आम्ही लोकांमध्ये जाऊन त्यांची सेवा करतो. वांद्रे पूर्व विधानसभेत काँग्रेसचा एक विद्यमान आमदार असला तरी ही जागा शिवसेनेच्या वाट्याला जाते किंवा चर्चा सुरू झाली. तर काँग्रेसचे प्रवक्ते आणि वरिष्ठ नेत्यांनी बाहेर येऊन ही जागा आमची आहे आणि आम्हीच लढू, असं सांगावं, असंही झिशान सिद्दिकी म्हणाले.

वांद्रे पूर्वची ही जागा शिवसेनेच्या वाट्याला गेली तर तो काँग्रेस कार्यकर्त्यांचा पराभव ठरेल. शिवसेना ठाकरे गट म्हणेल आम्हीही तेच करणार, तर तसं कसं चालेल? माझ्याविरुद्ध अनेक वर्षांपासून षडयंत्र रचलं जात आहे. काँग्रेसचे काही नेतेही मला बाजूला करण्यात धन्यता मानत आहेत. शिवसेनेने उबाठा उमेदवाराचा पराभव करून ही जागा जिंकली, असंही त्यांनी म्हटलं आहे.