Nanded | नांदेडचे प्रसिद्ध कलावंत डॉ. भरत जेठवाणी आता बनले सान्वी जेठवाणी, अत्याधुनिक शस्त्रक्रियेद्वारे लिंग परिवर्तन!
माणसाची ओळख ही चारित्र्याने व आत्म्याने होत असते. त्यामुळे लिंग स्त्री असो किंवा पुरुष असो माणसाची ओळख माणुसकीने झाली पाहिजेअसं वक्तव्य पत्रकाराशी बोलत असताना जेठवाणी यांनी केले
नांदेडः नांदेडमधल्या नृत्य कलाकार भरत जेठवाणी (Bharat Jethwani) यांनी लिंग परिवर्तन करत स्त्रीरूप धारण केलंय. वेगवेगळ्या प्रकारच्या शस्त्रक्रिया करत भरतने आता सानवी जेठवाणी (Sanvi Jethwani) असं स्त्री रुप आणि स्रीचं नाव धारण केलय. लहानपणापासून आपण स्त्री असल्याचे वाटत असल्याने आपण स्त्री रूप धारण केल्याचे जेठवाणी यांनी सांगितलं. नांदेडमध्ये लिंग परिवर्तन (Gender transformation) करणारा भरत हा पहिला युवक आहे. अप्रतिम नृत्य कला आणि सामाजिक कार्यासाठी प्रसिद्ध असलेल्या सानवीने या पुढेही आपले कार्य असेच सुरु ठेवणार असल्याचे सांगितले आहे. एका पत्रकार परिषदेच्या माध्यमातून त्यांनी ही माहिती दिली.
लिंग परिवर्तन करणारे नांदेडमधील पहिले युवक
लहानपणापासून आपण स्त्री असल्याचे समज असणाऱ्या व्यक्तींना वैद्यकीय भाषेत Gender syphoria असे म्हणातात. अश्या व्यक्तींसाठी मेडिकल सायन्समध्ये लिंग परिवर्तनाचे ऑपरेशन उपलब्ध असून त्याला sex reassignment surgery (srs) असे म्हणतात. ही सुविधा भारतात उपलब्ध असल्याचे समजल्यावर डॉ जेठवानी यांनी हा धाडसी निर्णय घेत पुरुष होऊन आता स्त्रीरूप मध्ये प्रवेश केला आहे. या ऑपरेशन साठी विविध चाचण्या कराव्या लागतात. मानव रोग तज्ञां पासून ते प्लास्टिक सर्जरी करेपर्यंत याची एक मोठी प्रक्रिया आहे. हक्काचे संरक्षण 2019 या कायदे अनुसार विविध हक्क अशा व्यक्तींना मिळत आहे. जेठवाणी यांनी सदरील ऑपरेशन दिल्ली येथील ऑलमॅक या खाजगी रुग्णालयात येथे करून घेतले. हा प्र वास किती कठोर होता हे त्यांच्या बोलण्यावरून जाणवत होतं.
माणुसकी हीच खरी माणसाची ओळख
माणसाची ओळख ही चारित्र्याने व आत्म्याने होत असते. त्यामुळे लिंग स्त्री असो किंवा पुरुष असो माणसाची ओळख माणुसकीने झाली पाहिजेअसं वक्तव्य पत्रकाराशी बोलत असताना जेठवाणी यांनी केले. लहानपणापासून मनात असलेल्या एका स्त्रीला आता समाजातदेखील स्थान मिळेल. समाजाने व मित्रमंडळींनी सर्वांनी मला प्रोत्साहन देऊन इथपर्यंत आणलं आहे व पुढेही सहकार्य करून साथ देऊन पुढील वाटचालीस मला मदत करतील अशी आशा सर्वांकडून बाळगते,असेही त्या म्हणाल्या. जेठवाणी यांनी उच्च शिक्षण प्राप्त केले असून नांदेडला सांस्कृतिक क्षेत्रात नावलौकिक मिळवून दिले आहे . हे कार्य सतत आयुष्यभर सुरू राहणार अशी ग्वाही त्यांनी यावेळी दिली.
इतर
टीम इंडियाचा माजी खेळाडू दुसऱ्यांदा बोहल्यावर चढणार, होणारी पत्नी 28 वर्षांनी लहान
IPL 2022: टीम हरत असली, तरी Mumbai Indians ला चिअर करण्यासाठी अंबानी कुटुंब स्टेडियममध्ये, पहा खास PHOTOS
