पुढं काय होतं ते बघू… राष्ट्रवादीच्या विलिनीकरणावर भुजबळांचं सूचक विधान, नेमकं काय म्हणाले?

NCP merger

राष्ट्रवादी काँग्रेस पक्षाच्या विलिनीकरणावर भुजबळ म्हणाले की राजकारणामध्ये भुजबळ असे शिवसेना सोडतील वाटलं होतं का, शिंदे असे अचानक उद्धवजीना सोडून जातील,  असं स्वप्नात तरी वाटलं होतं का? तसंच राष्ट्रवादीतसुद्धा झालं. त्यामुळे उद्या कुठल्या पक्षात काय होणार, हे आज सांगणं कठिण आहे. कोणीही फुटणं ही काय आनंदाची गोष्ट नसते. ज्या पक्षात आपण काम करतो त्यापासून दूर जाणं हे काय सोपं नसतं पण अशा गोष्टी घडतात. उद्या काय होणार हे गणपती बाप्पाचं सांगतील. दादा अश्या रितीनं अपघातात जातील असं वाटतं नाही.

याशिवाय त्यांनी सांगितलं की, राष्ट्रवादी काँग्रेसची सरकारमधील पकड सुटली आहे. दादा अश्या रितीनं अपघातात गेल्यानंतर सुनेत्रा वहिनी प्रिपेर नव्हत्या. अख्या पक्षाची आणि सरकारमधील जबाबदारी त्यांच्यावर आलेली आहे. दादाचा वेग धरणं थोडं वेळा लागतो. नाशिकला पक्षाचं अधिवेशन होणार आहे. एखादी जबाबदारी अचानक आली की थोडासा काळ जात असतो, असंही भुजबळ म्हणाले.

मनोज जरांगे पाटलांच्या मुंबई आंदोलनावर काय म्हणाले?

मुंबईमध्ये लाखो लोक येतात. गणेश दर्शनासाठी येतात. जरांगेचं काय ते नेहमीचं उपोषण आहे. मीडियातून कळलं की त्यांची तब्येत बिघडली आहे. मी गजाननाकडे प्रार्थना करतो की तुम्हाला लवकर बरं करावं, त्यांनाही सांगतो की, तुम्ही डॉक्टरांकडे जा आणि अॅडमिट व्हा, कारण तुम्ही जगावं अशी आम्हा सर्वांची इच्छा आहे, अशी प्रतिक्रिया मंत्री छगन भुजबळ यांनी टीव्ही९ मराठीशी बोलताना दिली आहे.

ते पुढे म्हणाले की, “आंदोलनावेळी येथे कायदा सुव्यवस्थेचा प्रश्न निर्माण होतो. जरांगेच्या आंदोलनामुळे एक प्रकारची अराजकता निर्माण होईल. त्यामुले त्यांनी घरी जावून थोडं आराम करावा. मनोज जरांगे पाटील कधीच कोणाचे ऐकत नाहीत. आमचे मंत्री आणि आमदार सगळे तिकडे जात असतात विनवण्या केल्या जातात. मोठ्या नेता किंवा फारचं मोठा नेता असल्याचा भास निर्माण होतो. मारूतीच्या शेपट्यासारख्या जरांगेच्या मागण्या वाढत चालल्या आहेत. शिंदे आणि फडणवीसांना शिव्या देणं यांचं सुरू झालेलं आहे. पूर्वी मलाचं शिव्या देत होते आता सर्वांना शिव्या देतात. हटवादीपणा मनोज जरांगे पाटील करत आहेत. मराठा समाजाची दिशाभूल ते करत आहेत”, असं भुजबळ म्हणाले.