ओमराजे निंबाळकर थेट फडणवीसांच्या भेटीला, बैठकीत नेमकं काय काय घडलं? महत्त्वाची माहिती समोर!

Omraje Nimbalkar : शिवसेना (शिंदे गट) पक्षाचे खासदार ओमराजे निंबाळकर नेहमीच चर्चेत असतात. त्यांनी आता मुख्यमंत्री देवेंद्र फडणवीस यांची भेट घेतली आहे. ही भेट नेमकी कशामुळे आहे, असे राजकीय वर्तुळात विचारले जात होते. दरम्यान आता या भेटीनंतर खुद्द ओमराजे निंबाळकर यांनीच माहिती दिली आहे. धाराशीव येथील दुष्काळाबाबत मी ही भेट घेतली होती, असं स्पष्टीकरण त्यांनी दिलंय.

भेट नेमकी कशामुळे, त्यांनीच सांगितलं?

मुख्यमंत्र्यांशी भेट झाल्यानंतर ओमराजे यांनी टीव्ही 9 मराठीशी बाचतित केली. यावेळी बोलताना आज मुख्यमंत्री यांची भेट घेतली. आमच्या जिल्ह्यात भिषण दुष्काळ पडला आहे. सरकारने तातडीने कर्ज काढावं आणि शेतकऱ्यांना पैशांची मदत करावी अशी मागणी मी मुख्यमंत्र्यांकडे केली आहे. त्यांनी ज्या घोषणा केल्या त्या पूर्ण केल्या. त्यासाठी मी त्यांचे आभार मानले, असे ओमराजे यांनी सांगितले.

8 महिने मोठे आव्हानात्मक असणार

तसेच, दुष्काळग्रस्त तालुक्यांच्या यादीत सर्व तालुक्यांचा समावेश केलाय ही जमेची बाब आहे. ग्राऊंडवर परिस्थिती भीषण आहे. शेतकऱ्यांना चारा छावणी, विहीर अधिग्रहण अशा अनेक समस्यांना तोंड द्यावं लागत आहे. पुढील 8 महिने मोठे आव्हानात्मक असणार आहेत, अस मत त्यांनी यावेळी व्यक्त केलं. तसेच मला राजकारणात पडायचं नाहीये. मी कुठलेही राजकारण करणार नाही. मी शेतकऱ्यांच्या बांधावार जाऊन काम करत राहणार, असं प्रत्युत्तरही त्यांनी टीका करणाऱ्या विरोधकांना दिलं.

आजच्या मंत्रिमंडळ बैठकीत काय निर्णय झाला?

दरम्यान, आजच्या मंत्रिमंडळ बैठकीत अनेक महत्त्वाचे निर्णय झाले. शेतकऱ्यांच्या इयत्ता दहावी आणि बारावीत शिकणाऱ्या मुलांकडून परीक्षा शुल्कच घेऊ नका, असा आदेश फडणवीस यांनी दिलाय. तसेच राज्याच्या दुष्काळग्रस्त तालुक्यांच्या यादीत काही तालुक्यांचा समावेश करण्यात आला नव्हता. त्यामुळे सर्वच तालुक्यांचा समावेश या यादीत केला जाईल, असा निर्णय घेण्यात आलाय. सोबतच पालकमंत्र्यांनी सक्रियपणे काम करावे, असे आवाहनही त्यांनी प्रत्येक जिल्ह्याच्या पालकमंत्र्यांना केले.