राज्यात ‘या’ व्हिडीओची चर्चा, रायगडावरील शिवाजी महाराजांच्या समाधी परिसराचा Video व्हायरल

मुंबई: छत्रपती शिवाजी महाराज (Chh. Shivaji Maharaj) यांनी स्थापन केलेल्या स्वराज्याची राजधानी असलेल्या रायगड (Raigad) किल्ल्यावरील एक व्हिडीओ (viral video) मोठ्या प्रमाणावर व्हायरल होतं आहे.अरबी समुद्रात निर्माण झालेल्या कमी दाबाच्या पट्ट्यामुळं महाराष्ट्रात ठिकठिकाणी पावसानं हजेरी लावली आहे. रायगडावर देखील पावसाच्या जोरदार सरी आणि प्रचंड सोसाट्याचा वारा सुटला होता. रायगडावर शिवाजी महाराजांच्या समाधीला अभिवादन करायला गेलेल्या शिवप्रेमीनं रायगडावरील ही दृश्य कॅमेरात टिपली आहेत. सध्या व्हाटसअ‌ॅप, फेसबूक, इन्स्टाग्राम आणि इतर सोशल मीडिया प्लॅटफॉर्मवर हा व्हिडीओ व्हायरल होतं आहे. अनेकांच्या व्हाटसअ‌ॅप स्टेटसला हाच व्हिडीओ पाहयाला मिळत आहे.

व्हिडीओत नेमकं काय?

महाराष्ट्रात कालपासून जोरदार पाऊस सुरु आहे. रायगड जिल्ह्यातही पावसानं जोरदार हजेरी लावली. स्वराज्याची राजधानी असणाऱ्या रायगडावरील एक व्हिडीओ सोशल मीडीयावर व्हायरल होत आहे. प्रचंड सोसाट्याचा वारा आणि वरुन कोसळणाऱ्या पावसाच्या सरी या व्हिडीओत दिसून येत आहेत. या व्हिडीओत रायगडावरील राजसदरेवर पाऊस कैद झालेला आहे. राजसदरेवरील छत्रपती शिवाजी महाराजांच्या समाधीवरील पुतळा अगदी मनमोहक दिसत आहे.

रायगडमध्ये तुफान पाऊस, मेघडंबरीतील छत्रपती शिवाजी महाराजांच्या पुतळ्याचं मनमोहक दृश्य कॅमेरात कैद, महाराष्ट्रातील सर्वाधिक व्हायरल होणारा व्हिडीओ #Raigad | #ShivajiMaharaj | #MaharashtraRain | #ViralVideo pic.twitter.com/NGpxJWbHtd

— TV9 Marathi (@TV9Marathi) December 2, 2021

दे धक्का चित्रपटातील गीताचा वापर

छत्रपती शिवाजी महाराजांच्या समाधी परिसरातील व्हायरल होणाऱ्या व्हिडीओमध्ये 2008 साली प्रदर्शित झालेल्या दे धक्का चित्रपटातील वाट चालावी चालावी या गीताचा वापर करण्यात आला आहे. हे गीत सुप्रसिद्ध संगीतकार अजय- अतुल यांनी संगीतबद्ध केलं आहे.

राष्ट्रपती रामनाथ कोविंद 7 डिसेंबरला रायगडला भेट देणार

खासदार संभाजी छत्रपती यांनी राष्ट्रपती रामनाथ कोविंद यांना रायगड भेटीचं निमंत्रण दिलं होतं. राष्ट्रपती रामनाथ कोविंद यांनी संभाजी छत्रपती यांनी दिलेल्या निमंत्रणाचा स्वीकार केला आहे. राष्ट्रपती 7 डिसेंबर रोजी छत्रपती शिवाजी महाराजांना अभिवादन करण्यासाठी रायगडास भेट देणार आहेत. राष्ट्रपती रामनाथ कोविंद यांनी रायगडाला भेट देऊन छत्रपती शिवाजी महाराजांच्या समाधीला अभिवादन करणं ही आपल्या सर्वांसाठीच गौरवास्पद बाब आहे, असं खासदार संभाजी छत्रपती म्हणाले आहेत.

इतर बातम्या

नाशिक जिल्ह्यातल्या शेतकऱ्यांसाठी फलोत्पादन प्रशिक्षण, असा करा अर्ज!

राज्यातील 50 हजार खेड्यांत आरोग्य यंत्रणाच नाही, कशी थोपवणार तिसरी लाट? औरंगाबाद खंडपीठात याचिका दाखल

Chhatrapati Shivaji Maharaj Raigad Rain video viral on Social Media