PUBG : पजबी खेळता खेळता 16 वर्षांचा मुलगा इमारतीवरुन पडला! गंभीर जखमी मुलावर पालघरमध्ये उपचार सुरु

पालघर : पबजीचे (PUBG Game) अनेक किस्से वारंवार समोर आलेले आहेत. नुकतीच नाशिकमधून पबजी संदर्भात एक धक्कादायक घटना समोर आली होती. काही दिवसांपूर्वी नाशिकचा (From Nashik to Nanded) एक मुलगा पबजी खेळता खेळता नांदेडला पोहचला. या मुलाला पोलिसांनी ताब्यातही घेतलं होतं. दरम्यान, त्यानंतर आता पालघर (Palghar News) मध्ये पबजी गेम खेळत असताना 16 वर्षीय तरुण दुसऱ्या मजल्यावरून खाली पडलाय. पब जी गेमच्या नादात निर्माणाधीन इमारतीच्या दुसऱ्या मजल्यावरून पडून हा तरुण गंभीर जखमी झाला. इमारतीवरुन तरुण पडल्याचं कळताच त्याला तातडीनं रुग्णालयात दाखल करण्यात आलं. सध्या या तरुणावर रुग्णालयात उपचार सुरु आहे. ही धक्क्दायाक घटना पालघरच्या शिरगाव इथं घडली. पबजी गेम खेळणाऱ्यांची संख्या मोठी आहे. गेम खेळण्याच्या नादात सध्या तरुण इतके गुंग होऊन जातात की त्यांना कशाचच भान राहत नाही, हे या घटनेवरुन अधोरेखित झालंय. त्यामुळे गेमिंक करणाऱ्या तरुणांबाबत चिंता व्यक्त केली जातेय.

कशी घडली घडना?

एक 16 वर्षांचा तरुण निर्माणाधीन इमारतीमध्ये आपल्या मित्रांसोबत पबजी गेम खेळत होता. या इमारतीच्या दुसऱ्या मजल्यावर हा तरुण गेम खेळत असताना दुर्दैवी घटना घडली. 16 वर्षांचा शादान मजहर शेख खेळण्याच्या नादात इतका मग्न झाला होता, की त्याला आपण नेमके कुठे आलो, याचं भानही उरलं नाही.

खेळण्याच्या नादातच शादान शेख या तरुणाचा तोल गेला आणि तो खाली कोसळला. यात गंभीर जखमी झालेला शादान शेखला रुग्णालयात दाखल करण्यात आलं. पालघर येथील रिलीफ हॉस्पिटलमध्ये शादानवर उपचार सुरु आहेत.

पबजी गेमचा नाद..

तरुणाईमध्ये गेल्या दोन वर्षात तरुणाईला पबजी गेमचा नाद लागल्याचं पाहायला मिळतंय. भारत चीन तणावानंतर पबजीसह 118 ऍपवर बंदी घालण्यात आली होती. मात्र त्याननंतर काही दिवसांपूर्वी PUBG Mobile गेम आता भारतात परतणार असल्याचे सांगण्यात आले होते. तेव्हापासून हा गेम नेमका कधी लाँच होणार याची पबजी गेमच्या चाहत्यांमध्ये उत्सुकता होती.