उजव्या हाताऐवजी डाव्या हाताचं बोट काढलं, 6 वर्षांच्या मुलाच्या ऑपरेशनमध्ये हलगर्जीपणा, पंढरपूर हादरलं

पंढरपूरच्या वैद्यकीय क्षेत्रात एक धक्कादायक घटना घडल्याचं समोर आलं आहे. तेथील उपजिल्हा रुग्णालयात घडलेल्या एका प्रकारामुळे सगळेच चक्रावले असून त्याचीच सर्वत्तर चर्चा सुरू आहे. रुग्णालयात आलेल्या 6 वर्षांच्या मुलाच्या शस्त्रक्रियेमध्ये हलगर्जीपणा झाल्याचा दावा करण्यात येत आहे. त्या मुलाच्या उजव्या हाताच्या बोटाऐवजी शस्त्रक्रिया करून डाव्या हाताचे बोटच काढलं, असा दावा नातेवाईकांनी केला आहे, यामुळे बराच गदारोळ झाला. डॉ वर्षा काणे यांनी ही शस्त्रक्रिया केली असून याबाबत चौकशी समिती नेमली असून समितीचे अहवाल आल्यावर योग्य ती कारवाई करणार असल्याचे वैद्यकीय अधीक्षक विजयकुमार सरडे यांनी सांगितलं आहे. उजव्या ऐवजी डाव्या हाताचे बोट काढल्याच्या आरोपामुळे पंढरपूरच्या वैद्यकीय क्षेत्रात मोठी खळबळ उडाली आहे.

नेमकं काय घडलं ?

मिळालेल्या माहितीनुसार, पंढरपूरच्य उपजिल्हा रुग्णालयात एक सहा वर्षांचा मुलाग आला होता. शाहू सुनील दंदाडे असं त्याचं नाव आहे. या मुलाला दोन्ही हाताला सहा बोटे आहेत. मात्र त्याच्या उजव्या हाताचं बोट दुखत असल्याने ते बोट काढून टाकण्याचा निर्णय झाला. त्यासाठी तो मुलगा रुग्णालयात आला होता. मात्र ऑपरेशनदरम्यान त्या मुलाचं उजव्या हाताचं बोट न काढता, डाव्या हाताचं बोटं काढलं, अशी तक्रार दंदाडे कुटुंबीयांनी केली आहे.

आमचा मुलगा लहान आहे, त्याच्या उजव्या हाताचं बोट दुखत होतं, म्हणून ते काढायला आम्ही इथे रुग्णालयात आलो होतो. पण त्यांनी दुसऱ्याच, डाव्या हाताचं बोटं काढून टाकलं, ते समोर आल्यावर आम्ही डॉक्टरांना सांगितंलही. एका हाताचं बोटं काढायचं, तर तुम्ही दुसऱ्या हातावर ऑपरेशन करून ते बोट काढलंत, त्याबद्दल डॉक्टरांना विचारणा देखील केली. फॉरम्वर आम्ही उजव्या हाताबद्दलच लिहीलं होतं, त्या मॅडमकडे फाईल होती. त्या म्हणाल्या की आज ना उद्या ( त्या उजव्या) हाताचं बोटंही काढाव लागेलचं. पण आम्चायम ुलाच्या उजव्या हाताला त्रास होत होता . कागदामध्ये त्यांनी फेरफार, बदलाबदली केली आहे, असा आरोप त्या मुलाच्या नातेवाईकांनी केला आहे.

हे प्रकरण समोर आल्यानंतर रुग्णालय अधीक्षकांनीही प्रतिक्रिया दिली आहे. या प्रकरणामध्ये डॉ वर्षा काणे यांनीही शस्त्रक्रिया केली असून याबाबत चौकशी करून योग्य ती कारवाई करू असं वैद्यकीय अधीक्षकांकडून सांगण्यात येत आहे. पण मुलाच्या उजव्या ऐवजी डाव्या हाताचे बोट काढल्याचा आरोप होत असल्यामुळे पंढरपूरच्या वैद्यकीय क्षेत्रात मोठी खळबळ उडाली आहे…