खवड्या डोंगरावरुन उडी मारणाऱ्या कुणालबद्दल पोलिस तपासात चक्रावणारी माहिती, थेट..

एका आयफोनच्या नादात अख्य्या कुटुंबाची राखरांगोळी झाली. मुलाचा आयफोनचा हट्ट. बापाने ऐपत नसतानाही लेकाला आयफोन घेऊन दिला. मात्र, त्यानंतरही मुलाने टोकाचे पाऊल उचलले. मुलाला वाचवण्यासाठी अनेक विनवण्या करूनही आई वडिलांना यश आले नाही. आपल्या लेकासाठी नवऱ्यालाही सोडायला आई तयार होती. तुझा आणि त्यांचा (वडिलांचा) वाद आहे ना… बाळा आपण दोघे वेगळे राहू, अशा विनवण्या आई करत होती. 3 तास हे सर्व सुरू होते. उपस्थित लोकही मुलाला समजावत होते. पण तो कोणाचेही ऐकायला तयार नव्हता. कुणाल चांदगुडे वय 19 वर्ष त्याला डॉक्टर बनवण्यासाठी वडील काबाड कष्ट करत होते. दहावीत कुणालला 92 टक्के गुण मिळाले. मात्र, एक वाद आणि कुणालने टोकाचे पाऊल उचलले. कुणाल चांदगुडे वय 19 वर्ष, वडील मुरलीधर चांदगुडे वय 48 वर्ष आणि आई संगीता चांदगुडे ठार झाले.

कुणाल खवड्या डोंगरावरुन उडी खात होता. उपस्थितांनी त्याला समजवण्याचा प्रयत्न केला, पण तो ऐकला नाही. मुलाला वाचवण्यासाठी वडिलांनी धाव घेतली. कुणालला त्यांनी पकडले देखील पण दोघेही डोंगराहून खाली पडले. नवऱ्याला आणि मुलाला खाली पडताना पाहून आईनेही उडी घेतली. या घटनेने मोठी खळबळ उडाली. त्यातच आता पोलिसांनी या प्रकरणात मोठी माहिती दिली. छत्रपती संभाजीनगर येथील घटनेची देशभरात चर्चा होतंय.

पोलिसांनी म्हटले की, प्राथमिक तपासानुसार, वडील आणि मुलामध्ये वाद झाला होता. तो वाद कशावरून झाला होता? काय बोलले होते? त्याच्या मनात काय सुरू होते? या प्रश्नांची कदाचित उत्तरे मिळणार नाहीत. कारण याबाबतही माहिती सांगणारे आई वडील, मुलगा कोणीही राहिले नाही.

मात्र, आयफोन कारण नाही, ती फक्त चर्चा असल्याचे पोलिसांनी प्राथमिक तपासात म्हटले. कारण मुलाकडे अगोदरच आयफोन होता. त्याच्या हप्त्यावरून वाद झाल्याचेही सांगितले जातंय. प्राथमिक तपासात आयफोन कारण नसल्याचे दिसतंय. कुणाल याला वाचवण्याचा प्रयत्न झाला. यादरम्यान कोणीतरीह त्याला आयफोन 15 देतो, असेही म्हले होते.