मनोज जरांगें पाटलांच्या डिफेंडर गाडीची पोलिसांकडून तपासणी, समोर आलं मोठं कारण

मोठी बातमी समोर येत आहे. आज मनोज जरांगे पाटील यांच्या उपोषणाचा 19 वा दिवस आहे. मराठा आरक्षणाच्या मुद्द्यावर त्यांनी पुन्हा एकदा उपोषणाला सुरुवात केली आहे. दरम्यान त्यांनी काही दिवसांपूर्वीच मुंबईत उपोषण करणार घोषणा केली होती. अखेर त्यांनी मंगळवारी अंतरवाली सराटीमधून मुंबईकडे प्रस्थान केलं आहे. आज त्यांच्या मुक्काम अहिल्यानंगर जिल्ह्यातल्या श्रीगोंदा असणार आहे. याच दमऱ्यान एक मोठी बातमी समोर आली आहे, ती म्हणजे पोलिसांकडून मनोज जरांगे पाटील ज्या वाहनाने मुंबईकडे निघाले आहेत, त्या डिफेंडर गाडीची तपासणी करण्यात आली आहे.

सुरक्षेच्या कारणास्तव मनोज जरांगे पाटील यांच्या डिफेंडर गाडीची पोलिसांकडून तपासणी करण्यात आली आहे. बॉम्बशोधक पथकाकडून जरांगे पाटील यांच्या वाहनाची तपासणी करण्यात आली आहे. गाडीचे हेडलाईट, इंजिन तसेच गाडीच्या सर्व पार्टीची पोलिसांनी तपासणी केली आहे. दरम्यान गाडीची व्हीआयपी तपासणी करण्यात आली आहे, घातपात आणि धोक्याच्या अनुशंघाने मनोज जरांगे पाटील यांच्या वहानाची तपासणी करण्यात आल्याची माहिती यावेळी पोलिसांकडून देण्यात आली आहे.