Manoj Jarange | मनोज जरांगे पाटलांच्या उपोषणाचा 19वा दिवस! पाणी-सलाईन बंद, प्रकृती चिंताजनक

मराठा आरक्षणाच्या मागणीसाठी उपोषणाला बसलेले मनोज जरांगे पाटील यांच्या उपोषणाचा आज 19वा दिवस आहे. पाणी आणि सलाईन घेणे बंद केल्यामुळे त्यांची प्रकृती चिंताजनक बनली आहे. जरांगे पाटील यांची तब्येत दिवसेंदिवस ढासळत असल्याचे वैद्यकीय पथकाने दिलेल्या माहितीवरून स्पष्ट झाले आहे.

काल सुमारे 13 तासांचा प्रवास करून जरांगे पाटील बीड जिल्ह्यातील पाटोदा शहरात पोहोचले. या ठिकाणी पहाटे जवळपास अडीच वाजता त्यांनी मराठा बांधवांना मार्गदर्शन केले. त्यानंतर वैद्यकीय पथकाने त्यांची प्रकृती तपासली. उपोषणाला परवानगी नसतानाही मुंबईला जाण्यावर ते ठाम आहेत. आज ते बीडच्या पाटोद्यातून अहिल्यानगरमधील श्रीगोंदा येथे मुक्काम करणार आहेत. मराठा आरक्षणाचा प्रश्न आणि मनोज जरांगे पाटील यांच्या प्रकृतीची स्थिती महाराष्ट्रात चिंतेचा विषय बनली आहे.