पुण्यात पोलिसांवर कोयत्याने हल्ला, 2 गोळ्या झाडल्या आणि…

Pune Crime: पुणे येथील स्वारगेट बस स्टँडवरील बलात्कार प्रकरण ताजं असताना चाकण पोलीस ठाण्याच्या हद्दीत पोलिसांवर हल्ला झाला आहे. दोन दरोडेखोरांनी पोलिसांवर हल्ला केला आहे. पोलीस आणि दरोडेखोर आमनेसामने आल्यानंतर दरोडेखोरांनी पोलिसांवर कोयत्याने हल्ला केला आहे. पोलीस उपायुक्त शिवाजी पवार आणि सहाय्यक पोलीस निरिक्षक यांच्यावर दरोडेखोरांनी कोयत्याने हल्ला केला आहे. या घटनेमुळे परिसरात खळबळ माजली आहे.

मिळालेल्या माहितीनुसार, दरोडेखोरांनी केलेल्या हल्ल्यात दोन्ही पोलीस जखमी झाले आहेत. पोलिसांनी स्वतःच्या संरक्षणासाठी दरोडेखोरांवर दोन गोळ्या झाडल्या. एक गोळी दरोडेखोराच्या पायाला लागली असून त्याच्यावर ससून रुग्णालयात उपचार सुरु आहेत. पुणे जिल्ह्यातल्या केंदूर घाटातली मध्यरात्री घडलेली ही घटना आहे.

पुण्यात सतत होणाऱ्या धक्कादायक घटना पाहता पुणे विद्येचं माहेरघर की गुन्हेगारांचं शहर…? असा प्रश्न उपस्थित होत आहे. आता याप्रकरणी पुढे काय होणार पाहणं देखील महत्त्वाचं ठरणार आहे. पुणे येथील स्वारगेट बस स्टँडवरील बलात्कार घटनेनंतर देखली शहर हदरलं आहे.

पुणे येथील स्वारगेट बस स्टँडवरील बलात्कार

पुणे येथील स्वारगेट बस स्टँडवरील बलात्कार प्रकरणी पोलीस सध्या कसून चौकशी करत आहेत. बलात्कार प्रकरणातील आरोपी दत्तात्रय गाडेला न्यायालयाने 12 मार्चपर्यंत पोलीस चौकीत ठेवण्याचे आदेश दिले. शिवाय त्याच्या मोबाईलची देखील चौकशी करण्यात आली. ज्यामध्ये पीडित तरुणी आणि गाडे हे एकमेकांच्या संपर्कात नसल्याचे तांत्रिक तपासणीत उघडकीस आलं आहे.

याप्रकरणी पीडित तरुणीचा पोलिसांनी जबाब नोंदवला आहे. बलात्कारानंतर जीवे मारू नये म्हणून तरुणीने आरोपी दत्ता गाडेला विनंती केली. मला जीवे मारू नको अशी विनंती पीडित तरुणीने आरोपीला केली. दत्ता गाडे याने गळा दाबून जीवे मारायची धमकी दिल्यामुळे तरुणीने स्वतःच्या जीवासाठी आरोपीकडे विनंती केली. तरुणीचं गावी जायचं तिकीट ही पोलिसांकडे पुरावा जमा करण्यात आला आहे.