पुण्यात लॉजमध्ये सापडला महिलेचा संशयास्पद मृतदेह, पोलिसांकडून मोठी अपडेट समोर

एकेकाळी विद्येचं माहेरघर म्हणून ओळख असलेल्या पुण्यात गुन्हेगारीचं प्रमाण वाढलं आहे. त्यात महिलांची सुरक्षेचा तर फार मोठा प्रश्न उपस्थित होत आहे. आता देखील एक घटनेचा थरार समोर आला आहे. एका 31 वर्षीय महिलाचा मृतदेह लॉजमध्ये संशयास्पद आवस्थेत आढळल्यामुळे सर्वत्र खळबळ माजली आहे… याप्रकरणी पोलीस अधिक तपास करत असून, पुणे आता सुरक्षित राहिलं आहे का? असा प्रश्न अनेकांच्या मनात उपस्थित होत आहे. मिळालेल्या माहितीनुसार, जुन्नर तालुक्यातील ओतूर येथे एका लॉजमध्ये 31 वर्षीय महिलेचा संशयास्पद मृतदेह आढळल्याची घटना उघडकीस आल्याने परिसरात एकच खळबळ उडाली आहे. स्नेहल अमोल शिंदे असं मृत महिलेचे नाव आहे. स्नेहल हिच्या मृत्यूनंतर कुटुंबियांना मोठा धक्काच बसला आहे.

पोलिसांनी दिलेल्या माहितीनुसार, ओतूर येथील वाघिरे महाविद्यालयासमोर असलेल्या अमृत लॉजमध्ये स्नेहल शिंदे हिचा मृतदेह आढळून आला आहे. घटनेची माहिती मिळताच ओतूर पोलिसांनी तत्काळ घटनास्थळी धाव घेत प्राथमिक पाहणी केली. त्यानंतर स्नेहल हिला ओतूर येथील प्राथमिक आरोग्य केंद्रात हलविण्यात आलं. मात्र, वैद्यकीय अधिकाऱ्यांनी तपासणीनंतर महिलेला मृत घोषित केलं. आता महिलेचा मृत्यू नेमकं कोणत्या कारणामुळे झाला याचा अधित तपास पोलीस करत आहेत.

घडलेल्या या भयानक घटनेमुळे ओतूर परिसरात चिंतेचे वातावरण निर्माण झालं असून, मृत्यूचं नेमकं कारण अद्याप स्पष्ट झालेलं नाही.  तर हा मृत्यू नैसर्गिक आहे की, अन्य काही कारणांमुळे झाला, याबाबत पोलिसांकडून सखोल तपास सुरू आहे. घटनास्थळावरील परिस्थिती, लॉजमधील नोंदी तसेच संबंधित व्यक्तींची चौकशी यावरून पुढील तपासाची दिशा निश्चित केली जाणार आहे… असं देखील पोलीस म्हणाले.

मिळालेल्या माहितीनुसार, स्नेहल हिला मृतदेह शवविच्छेदनासाठी पाठवण्यात आला आहे. मृतदेह शवविच्छेदनाचा अहवाल आल्यानंतरच मृत्यूचे खरे कारण स्पष्ट होणार असल्याचे पोलिसांनी सांगितले. या प्रकरणी ओतूर पोलीस ठाण्यात नोंद करण्यात आली असून अधिक तपास सुरू आहे. आता स्नेहल हिच्या मृतदेहाचं नेमकं कारण काय? हे जाणून घेणं महत्त्वाचं  ठरणार आहे.