पुण्यात तरुणांच्या संशयास्पद हालचाली, पोलिसांनी ताब्यात घेताच धक्कादायक खुलासा, थेट…

Pune Police

पुण्यात एक धक्कादायक प्रकार उघडकीस आला. पोलिस गस्तीवर असताना त्यांना दोन तरुणांच्या हालचाली संशयास्पद वाटल्या. या तरुणांवर पोलिसांनी लक्ष ठेवले आणि त्यानंतर जे काही पुढे आले ते हैराण करणारे होते. या दोन तरुणांनी तब्बल 10 दुचाकी चोरल्या होत्या. या दुचाकी त्यांनी फक्त आणि फक्त मोज मजा करण्यासाठी चोरल्या. या दुचाकीचा वापर ते नशा करायला जाण्यासाठी करत. हेच नाही तर एका विशिष्ट कंपनीच्याच दुचाकी हे चोर चोरी करत. त्यांना हव्या त्याच कंपनीच्या दुचाकीवर लक्ष ठेवत आणि योग्य संधी मिळताच त्याची चोरी करत. या दोन तरुणांना हा धंदा मागील काही महिन्यांपासून सुरू होता. अखेर पोलिसांनी त्यांना फक्त त्यांच्या हालचालीवरून ताब्यात घेतले आणि मोठा खुलासा झाला. पुणे पोलिसांच्या गुन्हे शाखेने यांना ताब्यात घेतले.

पुणे पोलिसांच्या गुन्हे शाखेच्या कर्मचाऱ्यांना 2 तरुण एका दुचाकीवर बसले असून त्यांच्या हालचाली संशयास्पद असल्याचे दिसून आले. यानंतर त्यांनी या तरुणांकडे चौकशी केली असता त्यांच्याकडे असलेली ही दुचाकी चोरीची असल्याचे पुढे आले. अधिक चाैकशी केली असता संपूर्ण प्रकार पोलिसांच्या पुढे आला. पवन तानाजी माने (वय 22) आणि प्रतिक शिवाजी अस्वरे (वय 20) असे अटक केलेल्या आरोपींची नावे आहेत.

या प्रकरणी आणखी 2 जणांचा शोध सुरू आहे. हडपसर, दिघी, चंदननगर पोलिस ठाण्यात या आरोपींच्या विरोधात याआधी चोरीचे अनेक गुन्हे दाखल आहेत. पुणे पोलिसांच्या गुन्हे शाखेने 2 तरुणांना ताब्यात घेऊन त्यांच्याकडून तब्बल 10 चोरीच्या दुचाकी ताब्यात घेतल्या आहेत. विशेष म्हणजे या 10 पैकी काही गाड्या यामाहा कंपनीच्या आहेत. पोलिसांनी या दोघांकडे चौकशी केली.

त्या दोघांसोबत आणखी दोघं जणं मिळून फक्त यामाहा कंपनीच्या गाड्या चोरी करत असल्याची कबुली दिली. यामाहा कंपनीच्या दुचाकी आता बाजारात मिळत नसल्याने ते हडपसर, चंदननगर भागात यामाहा कंपनीच्या दुचाकींवर लक्ष ठेवून त्या चोरी करत असे. तसेच यातील काही तरुण या दुचाकींचा वापर नशा करायला जाण्यासाठी सुद्धा वापरत होते. पोलिसांकडून या प्रकरणात अधिक तपास केला जात आहे.