AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पहलगाम हल्ल्यानंतर पुण्याच्या पिरंगुट ग्रामस्थांचा मोठा निर्णय, मशिदीमध्ये बाहेरील मुस्लिमांना येण्यास मनाई

पुण्यातून मोठी बातमी समोर येत आहे. पहलगामध्ये झालेल्या दहशतवादी हल्ल्यानंतर सुरक्षेच्या कारणामुळे पिरंगुट गावातील ग्रामस्थांनी मोठा निर्णय घेतला आहे.

पहलगाम हल्ल्यानंतर पुण्याच्या पिरंगुट ग्रामस्थांचा मोठा निर्णय, मशिदीमध्ये बाहेरील मुस्लिमांना येण्यास मनाई
प्रतिकात्मक छायाचित्र
| Updated on: May 02, 2025 | 5:44 PM
Share

पुण्यातून मोठी बातमी समोर येत आहे. पहलगामध्ये झालेल्या दहशतवादी हल्ल्यानंतर सुरक्षेच्या कारणामुळे पिरंगुट गावातील ग्रामस्थांनी मोठा निर्णय घेतला आहे. गावातील मशिदीमध्ये बाहेर गावच्या मुस्लिमांना येण्यास बंदी घालण्यात आली आहे. तसे फलकही त्या ठिकाणी लावण्यात आले आहेत. एक मे रोजी झालेल्या ग्रामसभेत ग्रामस्थांनी हा निर्णय घेतला आहे.

पिरंगुट मशिदीमध्ये क्षमतेपेक्षा जास्त गर्दी होत होती. त्यामुळे येणारे लोकं नेमके कोण आहेत? त्यांची ओळख पटवता येत नव्हती. मशिदीमध्ये येणाऱ्या लोकांकडे कोणतेही ओळखपत्र नव्हते. त्यामुळे सुरक्षेचा मुद्दा लक्षात घेत ही बंदी घालण्याचा निर्णय ग्रामस्थांनी घेतला आहे. या बैठकीला स्थानिक मुस्लीम बांधवांची देखील उपस्थिती होती.

दरम्यान पिरंगुटमध्ये शुक्रवारच्या नमाजसाठी येणाऱ्या लोकांचे ओळखपत्रं स्थानिकांकडून तपासले जाणार असल्याचंही यावेळी पिरंगुटचे पोलीस पाटील प्रकाश पवळे यांनी सांगितलं. यावेळी बोलताना ते म्हणाले की, ” ग्रामस्थ मंडळींची मिटींग झाली. त्यात मुस्लीम आणि इतर जाती धर्मातले लोकं उपस्थित होते. शुक्रवारी बाहेरील लोक अधिक येत असल्याने रहदारीला अडथळा येत आहे. गावातील कॉलेजच्या मुला-मुलींना जायला रस्ताच मिळत नव्हता. त्यांनी तक्रार केल्यावर आम्ही मौलानांना विचारलं तर ते म्हणाले हे बाहेरचे आहेत. गेल्या दोन तीन शुक्रवार पासूनच हे लोक यायला लागले होते. त्यामुळे आता बाहेरच्या लोकांवर बंदी घालण्याचा निर्णय या ग्रामसभेत घेण्यातं आला आहे.

मात्र दुसरीकडे यावरून आता वाद देखील होण्याची चिन्ह आहेत, कारण स्थानिक मुस्लिमांच्या सहमतीने हा निर्णय झाल्याचं सांगितलं जात आहे. मात्र आपण या बैठकीला उपस्थित होतो, परंतु असा काही ठराव होणार आहे, याची कल्पना आपल्याला देण्यात आली नव्हती, असा दावा पिंरंगुट मशिदीचे पदाधिकारी आमिर यांनी केला आहे. तसेच अशी कोणावर कशी बंदी घालणार? असा सवालही त्यांनी यावेळी केला आहे.

बंदीचा फ्लेक्सही लावला 

ग्रामसेभेत घेण्यात आलेल्या या निर्णयाचा ग्रामस्थांच्या वतीनं फ्लेक्स देखील लावण्यात आला आहे. ‘पिरंगुट गावामध्ये बाहेरून येणार्‍या सर्व मुस्लीम बांधवांना कळवण्यात येते की, समस्त गावकरी मंडळी, पिरंगुट व स्थानिक मुस्लीम बांधव यांच्या विशेष सभेमध्ये झालेल्या ठरावामध्ये गावामधील मशि‍दीमध्ये स्थानिक मुस्लीम बांधव वगळता परप्रांतीय मुस्लीम बांधव, व्यवसायानिमित्त पंचक्रोशीमध्ये असलेले मुस्लीम बांधव व अन्य आजूबाजूच्या गावातील मुस्लीम बांधवांना सुरक्षेच्या दृष्टीने मशि‍दीमध्ये येण्यास व प्रार्थनेसाठी प्रतिबंध करण्यात आलेला आहे.

तसेच मशिदीच्या क्षमतेपेक्षा बाहेरून येणारे बांधव जास्त असल्याने गावाची कायदा सुव्यवस्था व शांतता यास अडथळा निर्माण होत आहे. तरी या ठिकाणी फक्त स्थानिक मुस्लीम बांधवच प्रार्थना करतील याची इतर परप्रांतीय व पंचक्रोशी मधील मुस्लीम बांधवांनी नोंद घ्यावी. समस्त गावकरी मंडळी पिरंगुट’  असा मजकूर या फ्लेक्सवर छापण्यात आला आहे.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत