Ketan Murder Case: केतन अग्रवाल खून प्रकरणात तिसरा आरोपी कोण? पोलिसांचा संशय कुणावर? मोठी अपडेट समोर…

Ketan Agarwal Lohgad Murder Case: केतन अग्रवाल खून प्रकरणात त्याची होणारी पत्नी सिया गोयल आणि चेतन चौधरी हे अटकेत आहेत. त्यांना पाच दिवसांची पोलीस कोठडी सुनावली आहे. उद्या त्यांची पोलीस कोठडी संपत आहे. त्यांना उद्या न्यायालयात हजर केल्या जाऊ शकते. पण पूर्वीपासूनच या खूनप्रकरणात तिसरा आरोपी असल्याची चर्चा होत आहे. पोलीसही या अनुषंगाने तपास करत आहेत. पोलिसांना याविषयी संशय आहे. तिसरा आरोपी कोण या संदर्भात पोलीस सर्व बाजूने तपास करत आहेत. काय आहे याविषयीची अपडेट?

तिसर्‍या आरोपीच्या अनुषंगाने तपास

लोणावळ्याचे उपविभागीय पोलीस अधिकारी (DySP) गजानन टोम्पे यांनी या प्रकरणात मोठी माहिती दिली आहे. त्यानुसार, आमच्या तपासाचा भाग म्हणून पुण्यात आम्ही सियाच्या घरी पंचनामा केला आहे. तिसरा आरोपी कोण ह्या संदर्भात आम्ही सर्व बाजूने तपास करत आहोत, अशी माहिती त्यांनी दिली. त्यामुळे पोलिसांना याप्रकरणात अजून कोणी संशयित असल्याचे समोर येत आहे.

सिया-चेतनचा खतरनाक प्लॅन

पुण्यातील एरिया ३७ च्या मागील बाजूस टेकडीवरून सिया आणि तिचा प्रियकर चेतन चौधरी यांनी सराव केल्याची धक्कादायक माहिती समोर येत आहे. पुण्यातील तीन ठिकाणी पुणे ग्रामीण पोलिसांचे पथक आज सिया गोयल हिला पंचनामा करण्यासाठी घेऊन गेले होते. 18 जून रोजी केतन अग्रवाल खून प्रकरणात सियाला अटक करण्यात आली होती. आज पुणे ग्रामीण पोलिसांनी घटने पूर्वी आणि घटनेनंतर सियाने ज्या ज्या ठिकाणावर गेली तिथे पोलिसांनी पंचनामा केला आहे. सिया तिचा प्रियकर चेतन चौधरी यांनी ज्या ठिकाणी केतनला मारण्यासाठी सराव केला होता, तिथे सुद्धा पोलीस पथक आरोपींसह पोहचले. पुण्यातील एरिया ३७ च्या मागील बाजूस टेकडीवरून सिया आणि तिचा प्रियकर चेतन चौधरी यांनी सराव केल्याची धक्कादायक माहिती समोर आली आहे.

सियाला घेऊन पोलीस तिच्या घरी

पुणे ग्रामीण पोलीस आज सिया गोयल हिला घेऊन तिच्या घरी पोहचले. पुण्यातील बिबवेवाडी परिसरातील घरात पुणे ग्रामीण पोलिसांनी सियाला आणले. घटनेनंतर सियाचे कपडे, मोबाईल, इतर गोष्टींचा पंचनामा करण्यासाठी पुणे ग्रामीण पोलिसांचे पथक सियाच्या घरी आले होते. 18 जून रोजी घटना घडल्यावर सियाने कुठले पुरावे नष्ट केले का याचा तपास पोलिसांनी यावेळी केला. उद्या मुख्य संशयित आरोपी सिया आणि तिचा प्रियकर चेतन चौधरीला न्यायालयात हजर केले जाऊ शकते.