फसवणुकीची अशी पद्धत आजपर्यंत पाहिली नसणार, पाहा पुणे शहरातील महिलेला कसे गंडविले

पुणे : डिजिटलच्या युगात चोरटे डिजिटल झाले आहेत. लोकांना गंडवण्याचे नवनवीन प्रकार ते शोधत आहेत. आता पुणे (pune crime news) येथील महिलेची चोरट्यांनी फसवणूक केली आहे. परंतु फसवणुकीचा हा प्रकार अद्यावत आहे. आतापर्यंत अशी फसवणूक केल्याचे उदाहरण समोर आलेले नाही. पुण्यातील २४ वर्षीय महिला फसवणुकीची बळी ठरली. डिजिटल चोरट्यांनी तिची 11.5 लाख रुपयांमध्ये फसवणूक केली. व्यवसायाने इंजिनिअर असलेली ही महिला एका बहुराष्ट्रीय कंपनीत काम करते. तिची ऑनलाइन फसवणूक झाली. फसवणूक झाल्यानंतर तिने आता पोलीस स्टेशन गाठले आहे. परंतु या प्रकारामुळे पोलीस अचंबित झाले आहे.

कशी केली फसवणूक

जानेवारी २०२३ चा दुसरा आठवडा होता. त्या महिलेला इंस्टाग्रामवरुन एका व्यक्तीने संपर्क केला. त्याने तिला मी भारतीय आहे, पण अमेरिकेत राहतो, असल्याचे सांगितले. त्या दोघांमधील संवाद वाढत गेला. पुढे दोघांनी एकमेकांचे क्रमांक शेअर केले. त्यानंतर इन्स्टाग्रामवरुन सुरु झालेली चर्चा व्हॉट्सअ‍ॅपपर्यंत आली.

मग त्या डिजिटल चोरट्याने “सोने आणि हिऱ्याचे दागिने घ्याल का?” असा प्रश्न विचारला. त्याने पोलंडमधून सोन्याचे आणि हिऱ्याचे दागिने आणले होते. त्याची तो विक्री करणार होता. हे दागिने तो त्या महिलेला देणार होता. त्यात खरेदी केलेल्या रत्नांसह काही परकीय चलनही होते. महिला दागिने घेण्यास तयार झाली. यानंतर महिलेला कस्टम क्लिअरन्सची प्रक्रिया पूर्ण करण्यास सांगितले.

अन् महिलेला फोन

महिलेने दागिने घेण्यास होकर दिल्यानंतर तिला फोन येऊ लागले. फोन करणारे स्वत:ला कस्टम अधिकारी असल्याचे सांगत होता. तो महिलेकडे पैसे मागायचे. हे पैसे कस्टम ड्युटी, कोर्ट फी, मनी लाँडरिंग चेक चार्जेस, पोलीस व्हेरिफिकेशन फी, ट्रान्सफर चार्जेस, इन्शुरन्स आणि स्टॅम्प चार्जेससाठी असल्याचे सांगत होता.

महिलेने हळूहळू करत 11.5 लाख रुपये जमा केले. परंतु आपली फसवणूक झाल्याचे तिला लक्षात आले. तिने 7 फेब्रुवारी रोजी पुण्यातील वाकड पोलीस ठाण्यात तक्रार दाखल केली. पोलिसांनी फसवणुकीशी संबंधित आयपीसी कलमांसह आयटी कायद्यांतर्गत गुन्हा दाखल केला आहे.

पोलिसांचे आवाहन

पोलिसांनी ऑनलाईन चोरट्यांकडून फसवणूक टाळण्यासाठी खबरदारी घेण्याचे आवाहन नागरिकांना केले आहे. लोकांनी अनोळखी व्यक्तीशी कोणताही व्यवहार करुन नये, आपले ओटीपी व बँक खात्याची माहिती कोणाला देऊ नये, सोशल मीडियावर आपली वैयक्तीक माहिती देऊ नये, असे आवाहन केले आहे.