प्रशासनला जाग आली, पाच जणांच्या मृत्यूनंतर अनधिकृत होर्डिंग्जवर कारवाई होणार
राज्यांमधील अनेक शहरात नियम डावलून होर्डिंग लावले जात असतात. परंतु महानगरपालिकेकडून कारवाई होत नाही. आता पुणे शहरातील अनधिकृत होर्डिंग्जवर कारवाई करण्याचा निर्णय पुणे महापालिकेने घेतला आहे. पाच जणांच्या मृत्यूनंतर हा निर्णय झालाय.
प्रदीप कापसे, पुणे : अनेक शहरांचा चेहरा खराब करणारे होर्डिंग्जने पुणे शहरात पाच जणांचा जीव घेतला. सोमवारी पिंपरी-चिंचवडमध्ये मोठी दुर्घटना घडली होती. वादळी वाऱ्यामुळे होर्डिंग कोसळून पाच जणांचा मृत्यू झाला होता. या घटनेनंतर पुन्हा अनधिकृत होर्डिंग्जचा मुद्दा चर्चेत आला आहे. शहरात अनेक ठिकाणी नियम डावलून होर्डिंग लावले जात असताना महानगरपालिकेकडून कारवाई का केली जात नाही? असा प्रश्न सर्वसामान्य पुणेकरांना पडला आहे. परंतु आता पाच जणांच्या मृत्यूनंतर महानगरपालिकेने कारवाई करण्याचा निर्णय घेतला आहे.
किती आहेत अनधिकृत होर्डिंग्जवर
पुणे शहरातील अनधिकृत होर्डिंग्जवर कारवाई केली जाणार आहे. पुणे महापालिका शहरात 1500 अनाधिकृत होर्डिंग्ज आहेत. हे काढून टाकण्यात येणार आहे. पिंपरी चिंचवडमधील किवळेतील होर्डिंग्ज कोसळल्यानं पाच जणांचा झाला होता मृत्यू झाला होता. त्यानंतर हा निर्णय घेण्यात आला आहे.
स्ट्रक्चरल ऑडीट करणार
पुणे महापालिका शहरातील अधिकृत होर्डिंग्जचं करणार स्ट्रक्चरल ऑडीट करणार आहे. ऑडीटमध्ये त्रुटी आढळल्यास कारवाई करण्यात येणार आहे. शहरात आता महापालिका कर्मचारी करणार होर्डिंग्जची तपासणी करणार आहे.
कशी घडली होती घटना
पिंपरी चिंचवडमध्ये सोमवारी (दि. १७) संध्याकाळी अचानक वादळी वाऱ्यासह मुसळधार पावसाला सुरुवात झाली. अचानक सुरू झालेल्या पावसामुळे नागरिकांची प्रचंड तारांबळ उडाली. अनेक ठिकाणी झाड उन्मळून पडली आहेत. या वाऱ्यामुळे गाड्या पडल्याचं चित्र दिसत होतं.
अनेक ठिकाणी पाणी साचल्याने मोठी वाहतूक कोंडी निर्माण झाली. वारा आणि पावसापासून बचाव करण्यासाठी सात ते आठ जण होर्डिंग खाली थांबले होते. यावेळी होर्डिंग अचानक कोसळले. या घटनेत पाच जणांचा मृत्यू तर काही जण जखमी झाले होते. पुण्यात होर्डिंग कोसळून मृत्यू होण्याची ही पहिली घटना नाही. याआधीदेखील पुण्यात रसत्यावर होर्डिंग कोसळल्याने काही जणांचा मृत्यू झाल्याची माहिती समोर आली होती. त्यानंतर पुन्हा होर्डिंग कोसळले आहे. सोमवारी पडले होर्डिंग ७० बाय ४५ फुटा बेस होता. त्यावर तीस बाय चाळीसचे होर्डींग आहे. त्यासाठी जड लोखंड वापरले केला गेला होता.
हे ही वाचा
Good News : मुंबई- पुणे दरम्यान अंतर कमी करणारी बातमी, कधी सुरु होणार हा प्रकल्प
मुंबई-पुणे एक्स्प्रेसवर अपघात टाळण्यासाठी अत्याधुनिक यंत्रणा, १६० कोटींचा कसा आहे प्रकल्प
