पुणे हादरले, विद्यार्थ्याने केला प्राध्यापिकेचा नको तो व्हिडिओ, व्हायरल करण्याची धमकी देत…
Pune Crime News : पुणे शहरातून प्राध्यापक अन् विद्यार्थ्यांच्या नात्याला धक्का लावणारा प्रकार घडला आहे. एका विद्यार्थ्याने आपल्याच प्राध्यापिकेचा नको तो व्हिडिओ काढून व्हायरल करण्याची धमकी दिली. या प्रकरणात विद्यार्थ्यावर गुन्हा दाखल करण्यात आला आहे.
पुणे : पुणे शहरात धक्कादायक प्रकार उघड झाला आहे. शिक्षणाचे माहेरघर म्हणून ओळख असलेल्या पुणे शहरातील या प्रकारमुळे संतप्त प्रतिक्रिया उमटल्या आहेत. एका विद्यार्थ्याने आपल्या प्राध्यापिकेचे सेक्सटॉर्शन केले आहे. यामुळे विद्यार्थी अन् प्राध्यापक या नात्याला धक्का बसला आहे. या प्रकाराची तक्रार त्या प्राध्यापिकेने केल्यानंतर बिहारमधील रहिवाशी असलेल्या मयांक सिंग याच्यावर गुन्हा दाखल करण्यात आला. माहिती अन् तंत्रज्ञान कायद्यानुसार हा गुन्हा दाखल करण्यात आला आहे.
काय आहे प्रकार
पुणे शहरातील नामांकीत विद्यापीठातील विद्यार्थ्यानेच आपल्या प्राध्यापिकाचा हा व्हिडिओ चित्रित केला आहे. त्यानंतर तो व्हिडिओ तिच्या पतीला पाठवला अन् व्हायरल करण्याची धमकी दिली. यासाठी पाच हजार अमेरिकन डॉलरची मागणी केली. मुळचा बिहारमधील पाटणा येथील रहिवाशी असलेल्या अन् सध्या पुणे शहरात राहणाऱ्या मयंक सिंग याने हा प्रकार केला आहे. तो आपल्या प्राध्यापिकेशी इन्स्टाग्राम अकाऊंटवरुन नेहमी संपर्कात असायचा. त्यानंतर मोबाईलने संपर्क करु लागला. मग व्हॉट्सअप कॉल करु लागला. मयंकने एकदा प्राध्यापिकेला फोन केला अन् सांगितले की, आपला जो संवाद झाला आहे, तो मी व्हायरल करेल, त्यामुळे मी सांगेल तसे करा.
गुन्हा झाला दाखल
प्राध्यापिकेने घाबरुन मयंक सांगत होते, तसे करणे सुरु केले. त्याने अंगावरील कपडे काढण्यास सांगितले. त्याचे त्याने शुटींग केले. मग तो व्हिडिओ महिला प्राध्यपिकेच्या पतीला पाठवला अन् व्हायरल करण्याची धमकी दिली. आपणास पाच हजार अमेरिकन डॉलर दिले नाही तर आपण हा व्हिडिओ व्हायरल करु, असे त्याने सांगितले. या प्रकारामुळे प्राध्यापिका अन् तिच्या पतीने पोलिसांत धाव घेतली. त्यानंतर हडपसर पोलीस ठाण्यात गुन्हा दाखल करण्यात आला. हा प्रकार मार्च २०२० पासून ते २६ जून २०२३ यादरम्यान घडला असल्याची माहिती समोर आलीय.
