Pune Child marriage : बालविवाह पडला महागात; पतीसह मुलीच्या वडिलांवर पुण्यातील चाकण पोलिसांत गुन्हा दाखल
17 वर्षीय अल्पवयीन (Minor) मुलीचा 19 वर्षीय तरुणासोबत विवाह लावून दिल्याप्रकरणी चाकण पोलिसांत गुन्हा दाखल झाला आहे. मुलीच्या वडिलांसह पतीवर गुन्हा दाखल करण्यात आला आहे.
पुणे : खेड तालुक्यातील कुरकुंडी गावातील ठाकरवस्तीत राहणाऱ्या 17 वर्षीय अल्पवयीन (Minor) मुलीचा 19 वर्षीय तरुणासोबत विवाह (Marriage) लावून देण्यात आला. या प्रकरणी मुलीच्या वडिलांसह पतीलादेखील हा विवाह चांगलाच महागात पडला आहे. याप्रकरणी चाकण पोलिसांत गुन्हा दाखल झाला आहे. खेड तालुक्यातील कुरकुंडी गावातील आदिवासी ठाकरवस्तीत राहणाऱ्या 17 वर्षीय मुलीचा विवाह गावातील 19 वर्षीय तरुणासोबत 11 महिन्यांपूर्वी लावून देण्यात आला होता. दरम्यानच्या काळात अल्पवयीन मुलगी तीन महिन्यांची गरोदर राहिल्याने बाल विवाहाचा प्रकार समोर आला असून या प्रकरणी चाकण पोलिसांत (Chakan Police) बलात्कार, बाल विवाह कायदा, बाल लैगिंक अत्याचार प्रतिबंध कायदा आदी कलमांनुसार गुन्हा दाखल करण्यात आला आहे. बालविवाहास प्रतिबंध असूनही असे प्रकार होत असल्याचे यानिमित्ताने पुन्हा समोर आले आहे.
