Raj Thackeray : आजच्या राज गर्जनेला पुणे पोलिसांच्या 13 अटी, राज ठाकरेंच्या टार्गेटवर मुख्यमंत्री? वाचा सविस्तर

Raj Thackeray : आजच्या राज गर्जनेला पुणे पोलिसांच्या 13 अटी, राज ठाकरेंच्या टार्गेटवर मुख्यमंत्री? वाचा सविस्तर
मनसे अध्यक्ष राज ठाकरे
Image Credit source: tv9

या दौऱ्याआधी बृजभूषण सिंह यांचा झालेला कडाडून विरोध आणि दौरा स्थिगित करण्याचे कारण या सभेत स्पष्ट होणार आहे. या सभेला पोलिसांनी परवानगी दिली आहे. मात्र परवानगी देताना तब्बल 13 अटी घातल्या आहेत.

दादासाहेब कारंडे

|

May 22, 2022 | 7:00 AM

पुणे : पुण्यात आजच्या राज ठाकरेंच्या (Raj Thackeray) सभेची जोरदार तयारी करण्यात आलीय. राज ठाकरेंची ही सभा (Pune MNS) गेल्या तीन सभांसारखीच वादळी होण्याची शक्यता आहे. कारण काही दिवसांपूर्वीच मुख्यमंत्री उद्धव ठाकरे (Cm Uddhav Thackeray) यांची बीकेसीत सभा पार पडली या सभेत त्यांनी राज ठाकरेंना पिक्चरमधल्या मुन्नाभाईची उपमा देत खिल्ली उडवली. तर बाळासाहेब झाल्यासरखे वाटणार अनेकजण सध्या फिरत आहे. कध हिंदुत्वाचा मुद्दा घेतात. कधी मराठीचा, म्हणत राज ठाकरे यांना थेट डिवचलं होतं. त्यामुळे राज ठाकारे पुण्यातून मुख्यमंत्री उद्धव ठाकरे यांना प्रत्युत्तर देण्यासाठी सज्ज झाले आहेत. तर दुसरीकडे ऐनवेळी राज ठाकरेंनी अयोध्या दौरा स्थगिती केला. त्यावरही ते खुलेपणे बोलणार आहेत. या दौऱ्याआधी बृजभूषण सिंह यांचा झालेला कडाडून विरोध आणि दौरा स्थिगित करण्याचे कारण या सभेत स्पष्ट होणार आहे. या सभेला पोलिसांनी परवानगी दिली आहे. मात्र परवानगी देताना तब्बल 13 अटी घातल्या आहेत. औरंगाबादेतल्या सभेलाही स्थानिक पोलिसांनी 16 अटी घातल्या होत्या मात्र यातल्या अनेक अटींचं पालन न झाल्याने राज यांच्याविरोधात गुन्हा दाखल झाला होता. आता पुण्यात तरी अटींचं पालन होणार की औरंगाबादची पुनरावृत्ती? असा सवाल आता उपस्थित झाला आहे.

राज ठाकरे यांच्या सभेला अटी काय?

  1. समाजात तेढ निर्माण होईल अशी वक्तव्य टाळावीत ही पहिली अट आहे.
  2. सभेत रुढी, परंपरा, वंश यावरून चिथावणी दिली जाणार नाही याची काळजी घ्यावी ही दुसरी अट आहे.
  3. सभेच्या ठिकाणी आवाजाची मर्यादा पाळावी लागणार आहे, अशी तिसरी अट पुणे पोलिसांनी घातली आहे.
  4. कार्यक्रमात शस्त्र, तलवारी, बाळगू नये, तसेच कायदेशीर नियमांचं पालन व्हावं, असे पोलिसांनी बजावलं आहे.
  5. सभेला येणाऱ्या लोकांची तपासणी करण्याचा अधिकार पोलिसांना असणार आहे.
  6. सभेमध्ये येणाऱ्या लोकांनी स्वयंशिस्त पाळावी, ही सहावी अट आहे.
  7. या सभेचे नियम पाळावे हे लोकांना कळवण्याची जबाबादारी ही आयोजकांवर असणार आहे.
  8. सभेत क्षमतेपेक्षा जास्त गर्दी झाल्यास, किंवा चेंगराचेंगरी झाल्यास याला आयोजक जबाबदार असणार आहे.
  9. कार्यक्रमाचे ठिकाण आणि वेळेत बदल करता येणार नाही.
  10. व्यासपिठावरील संख्या ही निश्चित असावी आणि ती पोलिसांना कळवण्यात यावी, असेही सांगण्यात आले आहे.
  11. स्वागत फलकामुळे रहदारीला अडथळा निर्माण होणार नाही याची काळजी घ्यावी.
  12. कार्यक्रमामुळे रुग्णवाहिका, वाहनांना अडथळा येणार नाही याची काळजी घ्यावी.
  13. सभेला येणाऱ्या महिला आणि लहान मुलांची व्यवस्था करावी असेही सांगण्यात आले आहे.

 

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें