Pune crime : भर वस्तीतून तरुणीच्या हातातला मोबाइल हिसकावला; दुचाकीवरून चोरटे पसार, पाहा CCTV

राजगुरूनगरच्या (Rajgurunagar) भर बाजारपेठ रस्त्यावर तरुणीच्या हातातील मोबाइल (Mobile) हिसकावून चोरट्यांनी (Thieves) पोबारा केल्याची धक्कादायक घटना घडली आहे. हा सर्व चोरीचा प्रकार सीसीटीव्ही कॅमेऱ्यात कैद झाला आहे.

तरुणीच्या हातातील मोबाइल हिसकावून नेताना चोर सीसीटीव्हीत कैदImage Credit source: tv9

Reporter Sunil Thigale | Edited By: Pradeep Garad | Updated on: Apr 17, 2022 | 11:16 AM

पुणे : राजगुरूनगरच्या (Rajgurunagar) भर बाजारपेठ रस्त्यावर तरुणीच्या हातातील मोबाइल (Mobile) हिसकावून चोरट्यांनी (Thieves) पोबारा केल्याची धक्कादायक घटना घडली आहे. हा सर्व चोरीचा प्रकार सीसीटीव्ही कॅमेऱ्यात कैद झाला आहे. राजगुरूनगर शहराच्या मध्यवर्ती भागातील वाडा रोड येथे रस्त्याच्या बाजूला तरुणी मोबाइलवर बोलत असताना पाठीमागून दुचाकीवरून आलेल्या दोघांनी तरुणीच्या हातातील मोबाइल हिसकावून पोबारा केला. यावेळी स्थानिक नागरिकांनी चोरट्यांचा पाठलाग केला, मात्र दुचाकीवरील चोरटे पुणे नाशिक महामार्गावरून पळून जाण्यात यशस्वी झाले. हा चोरीचा थरार सीसीटीव्ही कॅमेऱ्यात कैद झाला आहे. या घटनेमुळे चोरटे आता भर लोकवस्तीतही चोरी करू लागल्याने भीतीचे वातावरण निर्माण झाले आहे. पोलिसांचा वचक चोरट्यांवर राहिला नाही का, असाच प्रश्न या निमित्ताने उपस्थित होत आहे.

प्रकार वाढले

अलिकडील काळात मोबाइल हिसकावण्याचे, सोनसाखळी चोरांचे हे प्रकार वाढले असून अशा चोरांना पोलिसांचा धाक राहिला नसल्याचे दिसत आहे. सार्वजनिक ठिकाणीदेखील त्यांना कोणतीही भीती वाटत नसल्याचे दिसत आहे. अशावेळी पोलिसांनी गस्त वाढवावी, अशा चोरट्यांचा बंदोबस्त करावा, अशी मागणी नागरिक करीत आहेत.

#Pune : राजगुरूनगरच्या भर बाजारपेठ रस्त्यावर तरुणीच्या हातातील मोबाइल हिसकावून चोरट्यांनी पोबारा केला. पाहा सीसीटीव्ही फुटेज – #crime #punenews @puneruralpolice अधिक बातम्यांसाठी क्लिक करा https://t.co/pJlmGZMLmk pic.twitter.com/PiNNzeAVZq

— TV9 Marathi (@TV9Marathi) April 17, 2022