पुणे राष्ट्रवादी काँग्रेसमध्ये दोन गट, बैठकीत किती जण राहिले अनुपस्थित

योगेश बोरसे, पुणे : राज्यातील राजकारणात राष्ट्रवादी काँग्रेसमध्ये रविवारी दोन गट तयार झाले. राष्ट्रवादी काँग्रेसचे नेते अजित पवार यांनी शिवसेना-भाजप युतीसोबत जाण्याचा निर्णय घेतला. त्यांच्यांसोबत अनेक किती जण आले आहेत? याचा खुलासा अद्याप झाला नाही. राष्ट्रवादी काँग्रेस कोणाची याचे उत्तर मिळवण्यासाठी दोन्ही गटाकडून बुधवारी बोलवण्यात आलेली बैठक महत्वाची आहे. या बैठकीनंतर कोण-कोणासोबत हे स्पष्ट होणार आहे. परंतु मंगळवारी पुणे शहर राष्ट्रवादी काँग्रेसने शरद पवार यांच्यासोबत जाण्याचा निर्णय घेतला होता. परंतु त्या निर्णयास अनेकांचे समर्थन नसल्याची माहिती समोर येत आहे.

किती जण आहेत शरद पवार यांच्यासोबत

पुणे शहर राष्ट्रवादीमधील एक मोठा गट अजित पवार यांच्यासोबत जाणार असल्याची माहिती सूत्रांनी दिली. मंगळवारी शहर कार्यकारीणीच्या बैठकीला ४४ पैकी फक्त २३ माजी नगरसेवक उपस्थित असल्याचा दावा करण्यात येत आहे. यामुळे उर्वरित जण अजित पवार यांच्या गटात जाऊ शकतात. तसेच पुणे शहरातील दोन्ही आमदारांची बैठकीला दांडी मारली होती. यामुळे ते सुद्धा अजित पवार यांच्यासोबत असतील, असे म्हटले जात आहे. यामुळे शरद पवार यांच्यासोबत पुणे शहरातील २३ माजी नगरसेवक असतील, असे म्हटले जात आहे.

त्या लोकांची नावे पाठवणार

पुणे शहर राष्ट्रवादी काँग्रेसच्या कार्यकारीणीला उपस्थित नसणाऱ्यांची नावे पक्ष नेतृत्वाकडे पाठवली जाणार आहे, अशी माहिती पुणे राष्ट्रवादी काँग्रेसचे शहराध्यक्ष प्रशांत जगताप यांनी दिली. तसेच बुधवारी मुंबईत होणाऱ्या बैठकीसाठी पुणे शहरातून अनेक जण जाणार आहेत. शरद पवार यांना समर्थन देण्यासाठी पुण्यातून पदाधिकारी जाणार असल्याची माहिती प्रशांत जगताप यांनी दिली.