आरक्षणासाठी एक व्हा, समरजितसिंह घाटगे यांची मराठा समाजाला हाक

सांगली: मराठा समाज एकसंघ नसल्यामुळेच समाजाला आरक्षण मिळालं नाही. त्यामुळे हे आरक्षण मिळवण्यासाठी मराठा समाजाने एकसंघ व्हावं, असं आवाहन भाजप नेते समरजितसिंह घाटगे यांनी केलं आहे. मराठा आरक्षणाच्या मुद्द्यावरून मराठा समाजात असंतोष असल्याचा दावाही समरजितसिंह घाटगे यांनी केला आहे. (unite to fight your reservation rights, SamarjitSinh Ghatge appeal to Maratha community)

सर्वोच्च न्यायालयाने मराठा आरक्षण रद्द केल्याच्या पार्श्वभूमीवर आज सांगलीत एक बैठक पार पडली. सांगली आणि कोल्हापूर जिल्ह्याचे समन्वयकांनी या बैठकीला हजेरी लावली होती. तसेच मराठा क्रांती मोर्चाचे समन्वयक आणि सांगलीतील भाजपचे नेतेही या बैठकीला हजर होते. यावेळी समरजितसिंह घाटगे यांनी ही हाक दिली. मराठा समाजाला आरक्षण मिळायचे असेल तर सर्व मराठा समाज आणि नेत्यांनी एकसंघ होणे गरजेचे आहे, असं सांगतानाच राज्य सरकार सर्वोच्च न्यायालयात आरक्षणाच्या बाजूने युक्तिवाद करण्यास कमी पडले आहे. त्यामुळे याचिका फेटाळली गेली, असा आरोपही त्यांनी यावेळी केला.

तर उमेदवारांचा उद्रेक होईल

मराठा समाज एक संघ नसल्याने आरक्षण मिळवण्यात यश येत नव्हतं. त्यामुळे सर्वानी एकत्र येऊन मराठा समाजाला कसे आरक्षण मिळेल हे पाहिलं पाहिजे, असंही ते म्हणाले. गेल्या वेळी मराठा समाजाने आरक्षणासाठी मोर्चे काढले. त्यावेळी मराठा तरुणांवर टाकण्यात आलेल्या केसेस मागे घेण्यात याव्यात. स्पर्धा परीक्षा दिलेल्या 2 हजार 585 विद्यार्थ्यांच्या नियुक्त्या अजून करण्यात आलेल्या नाहीत. त्या नियुक्त्या राज्य सरकार कधी देणार ते आधी जाहीर करावे अन्यथा या उमेदवारांचा उद्रेक झाल्याशिवाय राहणार नाही, असा इशाराही या बैठकीत देण्यात आला.

मिळेल त्या वाहनाने रायगडाकडे कूच करा

दरम्यान, खासदार संभाजी छत्रपती यांनी कार्यकर्त्यांना मिळेल त्या वाहनाने रायगडकडे कूच करण्याचे आदेश दिले आहेत. ते सोमवारी मराठा क्रांती मोर्चाच्या ऑनलाईन बैठकीत बोलत होते. यावेळी संभाजीराजे यांनी नाशिकच्या पदाधिकाऱ्यांना शिवराज्याभिषेक सोहळ्यासाठी रायगडावर येण्याचे आदेश दिले. त्यामुळे आता 6 जून रोजी किल्ले रायगडावरून संभाजीराजे कोणती नवी घोषणा करणार, याकडे सर्वांच्या नजरा लागल्या आहेत. तत्पूर्वी 2 जून रोजी आंदोलनाची दिशा ठरवण्यासाठी नाशिकच्या पदाधिकाऱ्यांची बैठकही आयोजित करण्यात आली आहे. (unite to fight your reservation rights, SamarjitSinh Ghatge appeal to Maratha community)

VIDEO | सुपरफास्ट 100 न्यूज | SuperFast 100 News | 8 AM | 1 June 2021 https://t.co/2CmEDn0zPG #MorningBulletin | #MorningHeadlines | #TV9Marathi | #BreakingNews | #LatestUpdates

— TV9 Marathi (@TV9Marathi) June 1, 2021

संबंधित बातम्या:

सरकारच्या मानेवर बसून आरक्षण घेण्यासाठी सज्ज व्हा, समरजितसिंह घाटगे आक्रमक

5 जूनला मराठा मोर्चा निघणारच, विनायक मेटेंचा एल्गार, मोर्चाला विरोध करणाऱ्यांवर जोरदार टीका

शरद पवारांकडूनच मंडल आयोगाची अंमलबजावणी, ओबीसींचं आरक्षण अबाधित; नवाब मलिकांचं मोठं विधान

(unite to fight your reservation rights, SamarjitSinh Ghatge appeal to Maratha community)