परत पाठव देवा माझ्या विठ्ठलाला… वारकरी महिलेच्या हातात अजितदादांचा फलक अन्…

राज्याचे माजी मुख्यमंत्री अजित पवार यांच्या निधनामुळे महाराष्ट्र अजूनही सावरलेला नाही. येनकेन प्रकारे अजितदादांच्या आठवणी आजही जागवल्या जातात. सध्या वारी सुरू आहे. या वारीतही अजितदादांच्या आठवणी जागवल्या जात आहे. एक महिला वारीत हातात फलक घेऊन जाताना दिसली. या फलकावर अजितदादांचा फोटो आहे. माझ्या विठ्ठलाला परत द्या… असं त्यावर लिहिलंय. आ महिलेच्या एका हातात फलक आहे अन् चेहरा भावूक आहे. हा फोटो पाहून अनेकांच्या काळजात कालवाकालव झाल्याशिवाय राहत नाही. हा फोटो सध्या सोशल मीडियावर प्रचंड व्हायरल होत आहे.

लोणंदमध्ये महिला वारकऱ्यांने हातातील फलकाने सर्वांचंच लक्ष वेधून घेतलं आहे. या फलकावर अजितदादांचा टाळ वाजवताना फोटो आहे. अजितदादा वारकऱ्यांच्या वेषात आहे. एवढाच निरोप सांगा पांडुरंगाला, परत पाठव देवा माझ्या विठ्ठलाला… असं या फोटोवर लिहिलं आहे. हा फ्लेक्स हातात घेऊन महिला वारकरी वारीत सहभागी झाल्या आहेत. अजित पवार यांच्या या बॅनरने सगळ्यांचं लक्ष वेधून घेतलं आहे.

विठ्ठला दादांना परत पाठवा

राष्ट्रवादी काँग्रेस पार्टीने वारकऱ्यांसाठी सेवाभाव देहू ते पंढरपूरपर्यंत करण्यात येणार आहे. उपमुख्यमंत्री सुनेत्रा पवार यांच्या मार्गदर्शनाखाली पंढरपूरपर्यंत वारकऱ्यांसाठी सेवाभाव करण्यात येत असल्याची माहिती कार्यकर्त्यांनी दिलीय. लाख मेले तरी लाखांचा पोशिंदा जगला पाहिजे होता. दादा आज तुकोबांचा पालखी सोहळा आहे आणि तुम्ही आमच्यात नाहीत. विठ्ठला दादांना परत पाठवा, अशा भावना राष्ट्रवादी काँग्रेसच्या कार्यकर्त्यांनी व्यक्त केल्या आहेत. राष्ट्रवादी काँग्रेसच्या कार्यकर्त्यांकडून वारकऱ्यांसाठी आरोग्य सेवेमध्ये वारकऱ्यांच्या पायाची मालिश, सर्व आरोग्याच्या संबंधित सेवा पालखीमध्ये देण्यात येत आहे.

पालखी सोहळा बारामतीत

दरम्यान, जगद्गुरु श्री संत तुकाराम महाराजांचा पालखी सोहळा बारामतीमध्ये दाखल झाला आहे. बारामतीमधील शारदा प्रांगण येथे आज श्री संत तुकाराम महाराजांचा पालखी सोहळा मुक्कामी असणार आहे बारामतीत पालखी सोहळा दाखल होताना पालखी सोहळ्याचे दर्शन घेण्यासाठी नागरिकांनी मोठी गर्दी केलीय.