Walmik Karad: बीड पोलीस ठाण्यात आणले पाच पलंग, वाल्मिक कराडवरुन रोहित पवार यांचा निशाणा
Valmik karad news: पोलीस ठाण्यात मागवलेल्या पलंगाच्या बातम्या येताच पोलिसांनी तातडीने खुलासा केला आहे. बीड पोलीस ठाण्यात पलंग नव्हे तर पोलीस शिपायांसाठी कॉट आणल्याची माहिती दिली आहे.
Walmik Karad: राज्यभरात गाजत असलेल्या बीडमधील मस्साजोगचे सरपंच संतोष देशमुख प्रकरणात प्रमुख संशयित वाल्मिक कराड याला ३१ डिसेंबर रोजी अटक करण्यात आली. त्यानंतर त्याची सीआयडी चौकशी बीड पोलीस ठाण्यात होत आहे. त्याचवेळी आता बीड पोलीस ठाण्यात पाच पलंग आणण्यात आला आहे. या प्रकरणाचा संदर्भ राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी वाल्मिक कराड यांच्याशी जोडला आहे. त्यांनी या प्रकरणात एक ट्विट केले आहे. त्यात अचानक पलंग कसे मागवले? असा प्रश्न उपस्थित केला आहे.
रोहित पवार यांनी काय म्हटले?
आमदार रोहित पवार यांनी एक्सवर केलेल्या ट्विटमध्ये म्हटले आहे की, बीड पोलीस स्टेशनमध्ये नवीन पाच पलंग मागवल्याच्या बातम्या आहेत. हे पलंग स्टाफसाठी मागवल्याचे प्रशासनाने स्पष्ट केले आहे. परंतु आजच अचानक पलंग कसे मागवले? असे अनेक प्रश्न आहेत. नवीन पलंग स्टाफसाठी मागवले असतील तर एवढीच तत्परता राज्यभरातील सर्वच पोलीस स्टेशनमधील स्टाफसाठी दाखवायला हवी.
#बीड पोलीस स्टेशनमध्ये नवीन पाच पलंग मागवल्याच्या बातम्या आहेत, स्टाफसाठी नवीन पलंग मागवल्याचे प्रशासनाने स्पष्ट केले असले तरी आजच अचानक पलंग कसे मागवले? असे अनेक प्रश्न आहेत.
नवीन पलंग स्टाफसाठी मागवले असतील तर एवढीच तत्परता राज्यभरातील सर्वच पोलीस स्टेशनमधील स्टाफसाठी दाखवायला…
— Rohit Pawar (@RRPSpeaks) January 1, 2025
दरम्यान, पोलीस ठाण्यात मागवलेल्या पलंगाच्या बातम्या येताच पोलिसांनी तातडीने खुलासा केला आहे. बीड पोलीस ठाण्यात पलंग नव्हे तर पोलीस शिपायांसाठी कॉट आणल्याची माहिती दिली आहे.
सीआयडीकडून वाल्मिक कराड याची १५ दिवसांची पोलीस कोठडी न्यायालयात मागितली गेली होती. त्यानंतर न्यायालयाने त्याला १५ दिवसांची पोलीस कोठडी दिली. पोलीस कठोडीत असताना वाल्मिक कराड याची प्रकृती बिघडली होती. त्याला ऑक्सिजन लावावे लागले होते. त्यानंतर त्याला बरे वाटले. कठोडीत पहिल्या दिवशी सीआयडीकडून त्याची कठोर चौकशी करण्यात आली. स्वत: सीआयडीच्या पोलीस अधीक्षकांनी त्याची चौकशी केली.
वाल्मिक कराड संतोष देशमुख यांची हत्या झाल्यापासून फरार होता. २२ दिवसांनी पुण्यात तो शरण आला. त्यानंतर त्याला बीडमधील केज न्यायालयात आणण्यात आले. मुख्यमंत्री देवेंद्र फडणवीस यांनी या प्रकरणातील सर्व फरार आरोपींची संपत्ती जप्त करण्याचे आदेश दिले होते. त्यानंतर वाल्मिक कराड शरण आला.
हे ही वाचा…
मोठ्या आकाला वाचवण्यासाठी वाल्मिक कराडचे एन्काऊंटर…बड्या नेत्याचा दावा
