Ajit Pawar Plane Crash : क्रिमिनल अँगल का तपासला जात नाही? रोहित पवारांचा संताप

राष्ट्रवादी काँग्रेसचे ज्येष्ठ नेते अजित पवार यांचा २८ जानेवारी रोजी बारामतीत भीषण विमान अपघात झाला. यात दुर्देवाने त्यांचे निधन झाले. अजित पवारांच्या निधनानंतर आता काही आठवडे उलटले आहेत. अजित पवारांच्या अपघातानंतर त्यांचे पुतणे आणि आमदार रोहित पवार हे आक्रमक झाले आहेत. गेल्या काही दिवसांपासून रोहित पवार हे अजित दादांच्या अपघाता प्रकरणी विविध खुलासे करताना दिसत आहेत. आज रोहित पवार, युगेंद्र पवार यांनी बारामती पोलीस स्टेशनमध्ये दाखल होत एफआयआर दाखल करण्याची मागणी केली. २८ तारखेला फक्त अपघाताचा रिपोर्ट फाईल झाला, मग क्रिमिनल अँगलचं काय? असा सवाल रोहित पवार यांनी यावेळी केला.

रोहित पवार यांनी बारामती पोलीस ठाण्यात एफआयआर नोंदवली नाही, याबद्दलची माहिती देण्यासाठी पत्रकार परिषद घेतली. यावेळी त्यांनी विविध मुद्द्यांवर भाष्य केले. या देशाचे जे एव्हियेशन मंत्री आहेत. ज्यांचा राजीनामा आम्ही मागतो. आम्ही तक्रार करताना मंत्र्‍याचे नाव घेतलं नाही. कारण आम्हाला राजकारण करायचं नाही. पोलिसांना इतकंच सांगितलं की एफआयआर व्हावा ही नागरिक म्हणून आमची इच्छा आहेत. तो तुम्ही स्वीकारावा. त्यांना तो स्वीकारावाच लागतो, असे रोहित पवार म्हणाले.

दादांच्या बाबत एफआयआर घेतला जात नाही

पोलीस एफआयआर करण्यास नकार देत होते. त्यांचं म्हणणं की अॅक्सिडेंट रिपोर्ट झाला आहे. दादांचा आतापर्यंत अॅक्सिडेंट रिपोर्ट झाला. सीआयडी चौकशी करत आहे हे सांगितलं. पण अॅक्सिडेंट रिपोर्ट झाल्यावर क्रिमिनल अँगलने चौकशी का करत नाही. त्यानंतरही एफआयआर का घेत नाही. दादांच्या बाबत एफआयआर घेतला जात नाही. आम्ही तपास यंत्रणाच्या आड येत नाही. कुणीही चौकशी करावी. आमचं म्हणणं आहे की एफआयआर दाखल करा आणि तो सीआयडी किंवा सीबीआयला द्या, अशी मागणी रोहित पवार यांनी केली.

आता अधिकारी सकारात्मक दाखवायला लागले

आम्ही पोलिसांना सर्व पुस्तके वाचून दाखवली. नियम दाखवले. आता अधिकारी सकारात्मक दाखवायला लागले. काल जसे पोलीस अधिकाऱ्यांवर दबाव होता. तसाच इथे दबाव जाणवत होता. हे कार्यालय अजितदादांनी बांधलं आहे. त्यांनी पोलीस आणले. त्यामुळे चौकशीची मागणी करत आहोत. आता पोलीस म्हणतात आम्हाला एक तास द्या, असे रोहित पवारांनी म्हटले.

सर्व १०० वकील आणि पदाधिकारी स्वेच्छेने इथे आले आहेत. अजितदादांना न्याय देण्यासाठी आले आहे. सीआयडी चौकशी करत आहे तर करू द्या. अधिकारी कोण आहे, काय तपास केला हे समजू द्या. आता २७ दिवसात काहीच का नाही झालं हे सांगितलं पाहिजे. बारामतीतील पोलिसांवरही दबाव आहे, असाही दावा रोहित पवारांनी केला.