Maharashtra News LIVE : उपमुख्यमंत्री एकनाथ शिंदे परभणी दाैऱ्यावर..

दुष्काळी परिस्थितीच्या पार्श्वभूमीवर जालना शहर महानगरपालिका प्रशासनाने एक मोठा आणि महत्त्वाचा निर्णय घेतलाय,जालना शहरातील नागरिकांनी पाणी वायाला घालवल्यास आता 5 हजारापासून पासून तर 25 हजार रुपयांपर्यंत दंड आकारण्यात येणार आहे आणि तसे आदेशही महापालिका आयुक्त अंजली शर्मा यांनी काढले.

रोहित पवार यांच्या आंदोलनाच्या ठिकाणी मोठा पोलीस बंदोबस्त तैनात करण्यात आला आहे. जवळपास ६ ते ७ पोलीस गाड्या मागवण्यात आल्या आहेत. कालच रोहित पवारांनी विद्यार्थ्यांना सवाल केलेला मुंबईला जायचं का? विद्यार्थ्यांनी जाण्याची दर्शवली आहे.

पंतप्रधान नरेंद्र मोदी यांच्या 25 वर्षांच्या कारकिर्दी निमित्त नाशिक इथं भाजपच्या वतीने आज कलश यात्रेचे आयोजन करण्यात आले आहे. पालकमंत्री गिरीश महाजन या कार्यक्रमाला उपस्थित असतील. थोड्याच वेळात कलश यात्रेला सुरुवात होणार आहे. गिरीश महाजन कार्यकर्त्यांना मार्गदर्शन करणार आहेत.

यवतमाळ जिल्ह्यात यंदा वरुणराजाने अवकृपा दाखविल्याने खरीप हंगाम हातातून गेला आहे. जिल्ह्यात सोयाबीन पीक कापणी प्रयोग सुरू आहे. यवतमाळ तालुक्यातील बोरगाव येथे जिल्हाधिकारी विकास मीना यांच्या समक्ष शेतकरी नरेश बाजीराव गावंडे यांच्या शेतातील सोयाबीन पिकाची कापणी व मळणी करण्यात आली. दुष्काळजन्य परिस्थितीमुळे प्रयोगाचे उत्पादन केवळ १.०९ क्विंटल प्रति हेक्टरी आले आहे.

शेतकऱ्यांचा सर्वात जिव्हाळ्याचा सण म्हणजे बैलपोळा. या दिवशी शेतकरी आपल्या सर्जा-राजाची पूजा करून त्याच्याप्रती कृतज्ञता व्यक्त करतो. मात्र यंदा भाद्रपदि बैलपोळ्यावर दुष्काळाचे सावट आहे. दीड महिन्यापासून पावसाने दडी मारल्याने खरीप पिके करपली आहेत. त्याचा थेट परिणाम बैलपोळ्याच्या बाजारावरही पाहायला मिळतोय. पुण्याच्या राजगुरुनगर शहरातील बाजारपेठेत दुकाने सजली आहेत, मात्र ग्राहकांची वर्दळच नसल्याने व्यापारी चिंतेत आहेत.

जिल्हास्तरीय आरोग्य अधिकाऱ्यांच्या पदस्थापनेसाठी गुणवत्ताधारित मूल्यांकनाचा मोठा निर्णय. मागील ३ वर्षांच्या कामगिरीचे १०० गुणांमध्ये मूल्यमापन. दरवर्षी ३१ मार्चअखेर अधिकाऱ्यांच्या कामगिरीचा आढावा. ७१ ते १०० गुण मिळवणारे अधिकारी ‘अ-उत्कृष्ट’ उत्कृष्ट कामगिरी करणाऱ्या अधिकाऱ्यांना गुणवत्ताधारित पदस्थापनेत प्राधान्य

त्याच्या साठी नाही निदान त्याच्या आई वडिलांसाठी. तो प्रसिद्ध झाला म्हणून हे मी करत नाही त्याच घर पाहून मी भावनिक झालो. माझे वडील पण अशाच घरात राहायचे वडील सांगायचे आठवड्यातून एक दिवस घरी अंड खायला भेटायचं. मी भावनिकतेतून म्हटल की घर बांधून देतो. एमपीएससी विद्यार्थ्यांचा प्रश्न सोडवला जावं अशी आमची मागणी आहे

रत्नागिरी जिल्ह्यातील देवरुख शहरालगत बिबट्याचा वावर पुन्हा एकदा समोर आला आहे. साडवली-सह्याद्री नगर परिसरात पहाटे घरासमोर बिबट्या फिरताना CCTVमध्ये कैद झाला. त्यामुळे परिसरातील नागरिकांमध्ये भीतीचं वातावरण आहे. बिबट्याचा बंदोबस्त करण्यासाठी वनविभागाने तातडीने उपाययोजना कराव्यात, अशी मागणी स्थानिकांकडून होत आहे.

युवक कॉंग्रेस नेते अक्षय हाते यांच्या नेतृत्वाखालील आंदोलन. सरकार विरोधात जोरदार घोषणाबाजी. पोलीसांनी युवक कॉंग्रेसच्या कार्यकर्त्यांना ताब्यात घेतले.