“माझी सुरक्षा काढा, अरे तुझं सरकार आहे काढ ना”; संजय राऊत यांनी सरळ भाजपच्या नेत्याला अंगावरच घेतलं

कोल्हापूरः खासदार संजय राऊत आणि मंत्री नारायण राणे यांच्यातील वाद जगजाहीर आहेत. हा वाद चालू असतानाच काल विधानसभेत नारायण राणे यांचे सुपुत्र आमदार नितेश राणे यांच्याकडून खासदार संजय राऊत यांना धमकी दिली होती. त्यानंतर हा वाद आणखी चिघळला आहे. त्यातच आता खासदार संजय राऊत कोल्हापूर दौऱ्यावर आहेत. या दौऱ्यावेळी संजय राऊत यांनी शिवसेना आणि बंडखोर आमदारांवर जोरदार हल्लाबोल केला आहे.

यावेळी संजय राऊत यांनी नितेश राणे यांच्यावर टीका करताना म्हणाले की, नारायण राणे यांचा टिल्लू पोरगं मला धमकी देतंय, की विधानसभेत माझी सुरक्षा काढा, अरे तुझं सरकार आहे काढ ना सिक्युरिटी असं म्हणून त्यांनी जोरदार हल्लाबोल केला आहे.

संजय राऊत यांनी नितेश राणे यांच्यावर टीका करताना ते म्हणाले की, सरकार कोणाचं आहे तुमचच सरकार आहे ना मग काढ माझी सुरक्षा असा थेट त्यांनी इशारा दिला आहे.

नितेश राणे यांच्यावर टीका करताना त्यांनी कोकणात नितेश राणे असताना ज्यावेळी शिवसैनिक कोकणात गेले होते. त्यावेळी नितेश राणे यानी स्वतःला कोंडून घेतले होते असा टोलाही त्यांनी लगावला आहे.

नितेश राणे यांच्यावर जोरदार प्रहार करत याच नितेश राणेंच्या बोगस कंपन्या असल्याचे सांगत हे शिवसेना, काँग्रेस आणि आता भाजप असा प्रवास करणाऱ्या यांनी आम्हाला निष्ठा शिकवू नये असा टोलाही त्यांनी लगावला आहे.

निलेश राणे यांच्यासह संजय राऊत यांनी टीका करताना खासदार भावना गवळी, प्रताप सरनाईक, यशवंत जाधव यांना ईडी आणि सीबीआयच्या नोटीस मिळाल्यानंतर यांनी लगेच एकनाथ शिंदे यांच्या गटात सामील होण्याचा निर्णय घेतला मात्र त्यांच्या प्रमाणेच मलाही या नोटीस आल्या मात्र मी घाबरलो नाही.

मात्र या नेत्यांना या नोटीस मिळाल्या आणि त्यांना शिवसेनेतून पळून जाण्याचं निमित्तच मिळालं असा खोचक टोला त्यांनी त्यांना लगावला आहे.