CCTV Video : कल्याणमध्ये चुकून रेल्वे स्थानकावर उतरली महिला आणि… संपूर्ण घटना सीसीटीव्हीत कैद

CCTV Video : कल्याणमध्ये चुकून रेल्वे स्थानकावर उतरली महिला आणि... संपूर्ण घटना सीसीटीव्हीत कैद
कल्याणमध्ये चुकून रेल्वे स्थानकावर उतरली महिला आणि...
Image Credit source: TV9

सदर महिला दुरांतो एक्प्रेसमधून मुंबईत येत होती. मंगळवारी सकाळी दहाच्या सुमारास कल्याण रेल्वे स्टेशनवर प्लॅटफॉर्म नंबर 5 वर दुरांतो एक्स्प्रेस आली. या एक्स्प्रेसमधून एक वयस्कर महिला खाली उतरली. कल्याण स्टेशनला सीएसएमटी स्टेशन समजून महिला गाडीतून उतरली. मात्र त्यानंतर काही क्षणातच हे कल्याण स्टेशन असल्याचं तिच्या लक्षात आलं आणि तिने पुन्हा गाडीत चढण्याचा प्रयत्न केला.

निनाद करमरकर

| Edited By: वैजंता गोगावले, टीव्ही 9 मराठी डिजीटल टीम

May 13, 2022 | 12:08 AM

कल्याण : एक वयस्कर महिला (Lady) चुकून कल्याण रेल्वे स्थानकात उतरली आणि चूक लक्षात येताच पुन्हा चालत्या गाडीत चढण्याचा प्रयत्न केला. या प्रयत्नात महिला प्लॅटफॉर्मवर पडली. मात्र ती गाडीखाली जायच्या आधीच तिला रेल्वे पोलिसांनी तत्परतेनं बाजूला ओढलं आणि तिचा जीव वाचवला. ही संपूर्ण घटना सीसीटीव्ही (CCTV) कॅमेरात कैद झाली आहे. दुरांतो एक्स्प्रेस (Duranto Express)मध्ये चढताना ही घटना घडली. याच गाडीत महिलेसोबत तिचे पती सुद्धा होते. पोलिसांनी दाखवलेल्या तत्परतेनं पत्नीचे प्राण वाचल्यानं पतीने पोलिसांचे आभार मानले. महिलेच्या भूलचुकीमुळे मोठा अनर्थ होता होता टळला.

चुकून कल्याण स्टेशनवर उतरली होती महिला

सदर महिला दुरांतो एक्प्रेसमधून मुंबईत येत होती. मंगळवारी सकाळी दहाच्या सुमारास कल्याण रेल्वे स्टेशनवर प्लॅटफॉर्म नंबर 5 वर दुरांतो एक्स्प्रेस आली. या एक्स्प्रेसमधून एक वयस्कर महिला खाली उतरली. कल्याण स्टेशनला सीएसएमटी स्टेशन समजून महिला गाडीतून उतरली. मात्र त्यानंतर काही क्षणातच हे कल्याण स्टेशन असल्याचं तिच्या लक्षात आलं आणि तिने पुन्हा गाडीत चढण्याचा प्रयत्न केला. मात्र यावेळी गाडी सुटल्यानं तिचा तोल गेला आणि ती खाली कोसळली. यावेळी ती गाडीखाली जाणार, इतक्यात ड्युटीवरील महिला रेल्वे पोलीस कर्मचाऱ्यांनी या महिलेला बाजूला ओढलं. यानंतर चैन ओढत गाडी थांबवण्यात आली आणि पुन्हा या महिलेला गाडीत बसवून सीएसएमटीकडे रवाना करण्यात आलं.


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें