CCTV Video: समोरुन सुपरफास्ट एक्स्प्रेस आली अन् त्यानं थेट उडी घेतली, जवानानं जे केलं त्याला ‘धाडस’ म्हणतात
कुमार गुरुनाथ पुजारी हा उल्हासनगरच्या प्रेमनगर टेकडी भागात राहणारा आहे. आज दुपारी अडीच वाजताच्या सुमारास कुमार पुजारी हा विठ्ठलवाडी रेल्वे स्थानकाच्या प्लॅटफॉर्म क्रमांक 1 वर येऊन उभा राहिला. यावेळी कल्याणहून कर्जतच्या दिशेने जाणारी एक्सप्रेस भरधाव वेगात येताना पाहून कुमार याने अचानक रेल्वे रुळात उडी मारली आणि एक्सप्रेस समोर उभा राहिला.
उल्हासनगर : कौटुंबिक वादातून एका तरुणाने विठ्ठलवाडी रेल्वे स्थानका (Vitthalwadi Railway Station)त एक्प्रेससमोर उडी घेऊन आत्महत्या (Suicide) करण्याचा प्रयत्न केला. तिथे उपस्थित रेल्वे पोलिसाने जीव धोक्यात घालून या तरुणाला रेल्वे रुळातून बाजूला केलं. आज दुपारी अडीच वाजता विठ्ठलवाडी स्टेशनच्या प्लॅटफॉर्म 1 वर घटना घडली आहे. ही संपूर्ण थरारक घटना सीसीटीव्ही (CCTV) कॅमेऱ्यात कैद झाली आहे. कुमार गुरुनाथ पुजारी (18) असे आत्महत्येचा प्रयत्न करणाऱ्या तरुणाचे नाव असून तो प्रेमनगर टेकडी, उल्हासनगर येथे राहणारा आहे. तर ऋषिकेश चंद्रकांत माने असं तरुणाला वाचवणाऱ्या जीआरपी जवानाचं नाव आहे. कौटुंबिक वादविवादातून तरुणाने आत्महत्येचा प्रयत्न केल्याची प्राथमिक माहिती मिळते. (Attempt to commit suicide by jumping in front of express at Vithalwadi railway station)
रेल्वे पोलिसांच्या प्रसंगावधनामुळे तरुण बचावला
कुमार गुरुनाथ पुजारी हा उल्हासनगरच्या प्रेमनगर टेकडी भागात राहणारा आहे. आज दुपारी अडीच वाजताच्या सुमारास कुमार पुजारी हा विठ्ठलवाडी रेल्वे स्थानकाच्या प्लॅटफॉर्म क्रमांक 1 वर येऊन उभा राहिला. यावेळी कल्याणहून कर्जतच्या दिशेने जाणारी एक्सप्रेस भरधाव वेगात येताना पाहून कुमार याने अचानक रेल्वे रुळात उडी मारली आणि एक्सप्रेस समोर उभा राहिला. ही बाब तिथल्या रेल्वे पोलिसांना दिसताच येताच रेल्वे पोलिसांनी तातडीने प्रसंगावधान दाखवत उडी घेतली आणि या तरुणाला रुळातून बाजूला केले. ऋषिकेश चंद्रकांत माने असे या तरुणाला वाचवणाऱ्या रेल्वे पोलिस जवानाचे नाव असून त्यांच्या धाडसाचे यानंतर कौतुक होत आहे. दरम्यान, कुमार पुजारी याने कौटुंबिक वादविवादातून आत्महत्या करण्याचा प्रयत्न केल्याची प्राथमिक माहिती रेल्वे पोलिसांनी दिली आहे. याप्रकरणी कल्याण लोहमार्ग पोलीस पुढील तपास करत आहेत. (Attempt to commit suicide by jumping in front of express at Vithalwadi railway station)
CCTV | विठ्ठलवाडी रेल्वे स्टेशनवर एक्सप्रेस समोर उडी टाकत तरुणाचा आत्महत्येचा प्रयत्न, जीआरपी पोलीस ऋषिकेश चंद्रकांत माने यांनी जिवाची बाजी लावत वाचवले तरुणाचे प्राण @Central_Railway @RailMinIndia #cctvfootage #MaharashtraNews #BreakingNews pic.twitter.com/yLoyCXBkbC
— TV9 Marathi (@TV9Marathi) March 23, 2022
इतर बातम्या
Video : नांदेडमध्ये माजी उपसरपंच आणि शालेय शिक्षण समिती अध्यक्षामध्ये फ्री स्टाईल हाणामारी
CCTV | आधी लांबून अंदाज घेतला, नंतर Activa उचलली, वसईतील धाडसी चोरी सीसीटीव्हीत कैद
