Vidhan Parishad Election 2026 : विधान परिषदेच्या 11 जागांसाठी आज मतदान, 6 जागा बिनविरोध, जाणून घ्या सर्व अपडेट..
Vidhan Parishad Election 2026 : राज्यात आज विधान परिषद निवडणुकीचीसाठी मतदान प्रक्रिया पार पडत आहे. 22 जून रोजी मतमोजणी होईल. 11 जागांकरिता मतदान प्रक्रियेला सुरूवात होईल. 6 जागा अगोदरच बिनविरोध निवडून आल्या आहेत.
राज्यात गेल्या काही दिवसांपासून विधान परिषदेच्या निवडणुकीचे वारे बघायला मिळाले. महायुतीकडून ही निवडणूक बिनविरोध करण्यावर भर देण्यात आला. अनेक उमेदवारांची समजूत काढून अर्ज मागे घेण्यास लावण्यात आले. बिनविरोध निवडणुकीसाठी महायुतीने कस लावली. विधान परिषदेच्या 17 पैकी 11 जागांसाठी आज मतदान होणार आहे. 6 ठिकाणी अगोदरच बिनविरोध निवडणूक झाली. त्यामुळे आज 11 ठिकाणीच मतदान होईल. मतमोजणी 22 जूनला होईल, त्यानंतर संपूर्ण चित्र स्पष्ट होईल. या विधान परिषदेच्या निवडणुकीत सर्वात जास्त चर्चा नाशिक विधान परिषदेची झाली. गित्ते बंधुंनी महायुतीच्या बड्या नेत्यांना कामाला लावले. मात्र, गित्ते बंधु आपल्या बंडखोरीवर कायम होते. अखेर गिरीष महाजन आणि उदय सामंत यांना गितेंची नाराजी दूर करण्यात यश मिळाले.
जळगाव, सोलापूर, सांगली-सातारा, नागपूर, नांदेड, परभणी-हिंगोली, भंडारा-गोदिंया, अमरावती, नाशिक, धाराशिव-बीड-लातूर, छत्रपती संभाजीनगर-जालना, अमरावती, येथे आज विधान परिषद निवडणुकीची मतदान प्रक्रिया पार पडेल. ठाणे, रायगड-रत्नागिरी-सिंधुदुर्ग, यवतमाळ, पुणे, अहिल्यानगर, वर्धा या ठिकाणी विधान परिषदेच्या निवडणुका बिनविरोध झाल्या आहेत. या निवडणुकीकडे सर्वांच्या नजरा लागल्या आहे. महायुतीने मोठा पैसा देऊन निवडणूका बिनविरोध केल्याचा गंभीर आरोप महाआघाडीकडून करण्यात आला.
संजय राऊत यांनी यावर गंभीर आरोप केले. काही ठिकाणी बिनविरोध निवडणुका करण्यात महाआघाडीला यश मिळाले. या निवडणुकीचा निकाल 22 जूनला लागणार आहे. 22 तारखेला दुपारपर्यंत सर्व चित्र स्पष्ट होईल. महाविकास आघाडीकडूनही या निवडणुकीचा जोरदार प्रचार करण्यात आला. सोलापूर विधान परिषद निवडणुकीसाठी आज मतदान प्रक्रिया पार पडणार आहे. महायुतीकडून भाजपचे राजेंद्र राऊत विरुद्ध महाविकास आघाडीचे वसंत देशमुख यांच्यात लढत आहे.
मतदानासाठी एकूण 6 मतदान केंद्र असणार आहेत. त्याचबरोबर या निवडणुकीसाठी एकूण 616 मतदार असून त्यापैकी 615 जण मतदान करणार आहेत. एका मतदाराचा मृत्यू झाल्याने ते मतदान कमी झालेय. आज सकाळी 8 ते दुपारी 4 वाजेपर्यंत मतदान प्रक्रिया पार पडणार आहे. काही वेळातच परभणी हिंगोली विधान परिषदच्या मतदानासाठी होणार सुरुवात होईल. एकूण सात मतदान केंद्रावर 466 मतदार मतदानाचा हक्क बजावणार आहेत. परभणी हिंगोली विधान परिषद च्या निवडणुकीत तिरंगी लढत.
