LoC तून भारतात घुसखोरी करताना सुरुंगस्फोट, 4 पाक अतिरेक्यांच्या उडाल्या चिंधड्या, लष्करचा कमांडरही ठार

4 Pakistani terrorists blown to bits by a landmine blast

जम्मू-काश्मीरच्या पुंछ जिल्ह्यात नियंत्रण रेषेजवळ ( LoC ) घसुखोरीचा प्रयत्न करणाऱ्या चार पाकिस्तानी अतिरेकी सुरुंग स्फोटात ठार झाले आहेत. ही घटना केजी सेक्टरमध्ये झाली असून जेथे अतिरेकी घुसखोरीचा प्रयत्न करत होते. मेलेल्या अतिरेक्यात लष्कर-ए-तैयबाचा टॉपचा कमांडर मुहम्मद फैझानचा देखील समावेश आहे. दुसऱ्या अतिरेक्यांची ओळख देखील पटली असून त्यात मुहम्मद इश्तियाक, मुहम्मद वकास आणि मुहम्मद आसिम यांचा समावेश आहे. हे सर्व अतिरेकी पाकिस्तानच्या ताब्यातील जम्मू – कश्मीर ( PoJK ) च्या पुंछ जिल्ह्यातील हजिरा तहसीलच्या मंडला आणि मदारपूरचे रहिवासी म्हटले जात आहेत.

बातमीनुसार हा सुरुंग स्फोट कृष्णा घाटी सेक्टरच्या सतवाल – नकी भागात झाला आहे. पाकिस्तानच्या बाजूने काही लोक भारतीय सीमेत घुसखोरी करण्याचा प्रयत्न करत होते. या दरम्यान जोरदार धमाका झाला. अधिकाऱ्यांनी सांगितले की सतवाल-नकीचा भाग बराच काळ घुसखोरीसाठी पारंपारिक मार्ग म्हणून वापरला जात होता. गेल्या काही वर्षांत अतिरेक्यांनी या मार्गाने भारतीय सीमेत शिरण्याचा प्रयत्न केला होता.

नियंत्रण रेषेजवळ वाढवली टेहळणी

या धमक्यानंतर सुरक्षा यंत्रणा आता हे समजून घेण्याचा प्रयत्न करत आहेत हा स्फोट नेमक्या कोणत्या परिस्थितीत झाला. या भागात आधीही अशा घटना घडल्या आहेत. याआधी देखील पाकिस्तानी बॉर्डर एक्शन टीम (BAT) चे 6-7 सदस्य देखील याच प्रकारे मारले गेले आहे. ताजा घटनेनंतर सुरक्षा दलाने संपूर्ण सेक्टरमध्ये अलर्ट जारी केला आहे. नियंत्रण रेषेच्या आसपासच्या भागात टेहळणी वाढवण्यात आली आहे. त्यामुळे घुसखोरीचा प्रयत्न हाणून पाडण्यासाठी खास प्रयत्न केले जात आहे.