डोळे उघडायच्या आतच धडाधडा पेटले! बाल्कनीतून आक्रोश आणि किंचाळ्या… अख्ख्या शहराच्या पोटात कालवाकालव; 7 जणांचा मृत्यू
एका इमारतीला लागलेल्या भीषण आगीत सात जणांचा मृत्यू झाला आणि अनेक जण जखमी झाले. या इमारतीमध्ये एकाच कुटुंबातील लोक राहात होते.
इमारतीत भीषण आग लागल्याने ७ जणांचा होरपळून मृत्यू झाला आहे. दिल्लीच्या पालम परिसरात ही घटना घडली आहे. या घटनेत अनेक जण गंभीर जखमी झाले आहेत. अचानक इमारतीला आग लागल्यामुळे परिसरात खळबळ माजली. इमारतीत अडकलेले लोक मदतीसाठी ओरडत होते. माहिती मिळाल्यानंतर घटनास्थळी अग्निशमन दल आणि पोलिसांच्या अनेक पथकांनी धाव घेतली. जखमींना उपचारासाठी रुग्णालयात दाखल करण्यात आले आहे. मात्र, आग लागण्याचे कारण अद्याप समजलेले नाही.
मिळालेल्या माहितीनुसार, ही इमारत पालम कॉलोनीच्या गल्ली क्रमांक २ मध्ये आहे. यात राजेंद्र कश्यप यांचे संपूर्ण कुटुंब राहते. कुटुंबातील सुमारे १५ लोक आहेत. राजेंद्र कश्यप हे बाजाराचे प्रमुख आहेत आणि ही संपूर्ण इमारत त्यांचीच आहे. बेसमेंट आणि ग्राउंड फ्लोअरवर ब्युटी पार्लर, बांगडीचे दुकान आणि इतर व्यवसाय चालतात. वरच्या मजल्यांवर त्यांच्या कुटुंबातील लोक राहतात.
घटनास्थळी उपस्थित लोकांनी काय सांगितले?
पालममधील आगीचे प्रत्यक्षदर्शी योगेश यांनी सांगितले की, सुमारे ६:४५ वाजता त्यांनी आग पाहिली आणि त्यांच्या वडिलांनी अग्निशमन दलाला कॉल केला. आग खूप वेगाने संपूर्ण इमारतीत पसरली. ६ ते ७ लोक बाल्कनीत दिसत होते, ते ओरडत होते. पण नंतर ते मागे गेले. धूर खूप जास्त होता. शेजारच्या इमारतीतून आत जाण्यासाठी भिंत तोडली, पण धूर आणि आगीमुळे आत जाऊ शकले नाहीत. अग्निशमन दलाची हायड्रॉलिक मशीन खूप उशिरा उघडली. पुढे त्यांनी सांगितले की, अग्निशमन दल अर्धा तास उशिरा आले. ६ ते ७ लोक जळालेल्या अवस्थेत बाहेर काढले गेले. या इमारतीत १० पेक्षा जास्त लोक अडकले असण्याची शक्यता आहे.
एक मुलाची स्थिती गंभीर
प्रत्यक्षदर्शीच्या म्हणण्यानुसार, एक मुलगा वरून खाली पडला ज्याला इजा झाली, तर एक पुरुष अग्निशमन दलाच्या शिडीवरून सरकून खाली पडला, त्यालाही इजा झाली. ५ ते ६ लोक जळालेल्या अवस्थेत बाहेर काढले गेले, ज्यांना रुग्णालयात दाखल करण्यात आले आहे. अद्याप काही लोक अडकले असू शकतात.
