Abhijeet Dipke Father: अभिजीत दिपके यांचे वडिल प्रचंड संतापले, थेट सरकाला दिली वॉर्निंग, म्हणाले आता…

Abhijeet Dipke CJP: कॉकरोच जनता पार्टीचे संस्थापक अभिजीत दीपके यांच्या आजीचे निधन झाले. अभिजीत दिल्लीत पोलिसांच्या ताब्यात होता तेव्हा त्यांच्या आजीचे निधन झाले. आता यानंतर अभिजीत दिपके यांचे वडील, भगवान दीपके यांनी दिल्ली पोलिसांवर संताप व्यक्त केला.

अभिजीत दिपके यांचे वडिल म्हणाले, “जर दिल्ली पोलिसांनी माझ्या मुलाला वेळेवर सोडले असते किंवा अंत्यविधीनंतर तू पुन्हा दिल्लीला आणि आता जा तू घरी असे म्हणाले असते, तर कदाचित त्याला त्याच्या आजीला भेटायला येऊ शकला असते.”

दिल्ली विमानतळावर अभिजीत दीपकेला ताब्यात घेतल्याप्रकरणी, त्याचे वडील, भगवान दीपके यांनी सरकारवर गंभीर प्रश्न उपस्थित केले आहेत. लोकशाहीचे रक्षण करण्याचा प्रयत्न करणाऱ्या एका विद्यार्थ्याला विमानातूनच अटक करण्याची ही भारतीय इतिहासातील पहिलीच घटना असल्याचे त्यांनी म्हटले आहे.

भगवान दीपक म्हणाले की, “भारतीय पैसा परदेशात नेणाऱ्या मोठ्या गुन्हेगारांना आणि उद्योगपतींना अटक झाल्याची अशी प्रकरणे त्यांनी कधी पाहिली नव्हती, उलट लोकशाहीच्या रक्षणासाठी आवाज उठवणाऱ्या एका सामान्य विद्यार्थ्यालाच ताब्यात घेण्यात आले.”

देशातील लोकशाहीच्या स्थितीबद्दल विचारले असता, ते म्हणाले की, “भारतात लोकशाही अस्तित्वात आहे यावर त्यांचा विश्वास नाही. लोकशाहीच्या रक्षणासाठी आवाज उठवणाऱ्यांचा आवाज दाबण्याचे प्रयत्न होत असल्याचा आरोप त्यांनी केला. ‘एक राष्ट्र, एक पक्ष’ या दिशेने पुढे जाणे आणि इतर राजकीय पक्षांना संपवणे हे सरकारचे ध्येय असल्याचे” ते म्हणाले.

इंदिरा गांधींच्या काळाची सध्याच्या परिस्थितीशी तुलना करताना ते म्हणाले की, “आणीबाणीबद्दल त्यांच्याकडे फारशी सविस्तर माहिती नाही. अभिजीतला दिलेल्या वागणुकीचे निरीक्षण करून ते पुढील पावले उचलतील आणि सरकराला आव्हान आहे हे.” असं म्हणत आता त्यांनी सरकारला इशारा दिला आहे.

अभिजीत दिपके दिल्लीतील जंतर मंतरवर आंदोलन करणार होता, पण त्याला आणि त्याच्या सहकाऱ्यांना थेट विमानातून ताब्यात घेतले. विमानातून उतरुही न देता थेट पोलिसांना विमानातून अभिजीत दिपकेला ताब्यात घेतले. अभिजीत दिपके, सौरव दास आणि आशुतोष रांका यांना ताब्यात घेतले.