भाजपला धक्का, स्टार अभिनेत्याने सोडली साथ; आता नव्या पक्षात एन्ट्री करणार

थलपती सी. जोसेफ विजय हे तामिळनाडूचे मुख्यमंत्री झाल्यापासून राजकारणात मोठी उलथापालथ होताना दिसत आहे. विजय यांच्या पक्षात नेत्यांसहित सेलिब्रिटींची एन्ट्री सुरूच आहे. केरळमधील एका अभिनेत्यानेही भाजपची साथ सोडली आहे. आता अभिनेते देवन हे भाजपमधून आता टीव्हीके पक्षात जाण्याची शक्यता आहे.

टीव्हीके पक्षात प्रवेश करण्याच्या चर्चेदरम्यान त्यांनी म्हटलं की, मी भाजपसाठी आक्रमकपणे काम करत होतो. अनेक जोखीम घेत होतो. परंतु ते माझी मिशन आणि प्लानिंग समजू शकले नाही. भाजपला या गोष्टींमध्ये रुची नाही. मला वाटतं की, भाजपला निवडणूक जिंकण्यापेक्षा पैसा कमावण्यात रस आहे. याचाच मी विरोध केला’. देवेन यांनी पुढे म्हटलं की, ‘मला पुढे रोखण्यात आलं. 2024 -25 दरम्यान मी पार्टी सोडण्याचा विचार सुरू केला. मी भाजपसोबत राहून राजकारणी म्हणून माझ्या महत्वाकांक्षा पूर्ण होणार नाहीत, असे मला वाटते’.

अभिनेत्याकडून भाजपाचा राजीनामा

‘मी भाजपचा राजीनामा दिला आहे. माझ्या राजीनाम्यानंतर जोसेफ विजय यांनी त्यांचे काही पदाधिकारी माझ्याजवळ पाठवले. त्यांनी माझ्यासोबत टीव्हीके पक्षात प्रवेश करण्याविषयी चर्चा केली. त्यांच्यासोबत दीर्घ चर्चा झाली. चेन्नईत माझी टीव्हीकेच्या वरिष्ठ नेत्यांशी ऑनलाइन बैठक झाली. या बैठकीनंतर तत्वत: त्यांच्यासोबत काम करण्यास तयार आहे’. अभिनेते देवेन यांनी पुढे सांगितले की, ‘मी जोसेफ विजय यांची वैयक्तिकरित्या भेट घेऊ इच्छित आहे. मी त्यांच्यासोबत चर्चा करू इच्छित आहे. त्यांच्या भेटीसाठी 10 सप्टेंबर ही तारीख निश्चित करण्यात आली आहे. मी त्यांच्या भेटीची आतुरतेने वाट पाहत आहे.

अभिनेता नाराज का होता?

भाजप अध्यक्ष नितीन नवीन यांनी टीम घोषित करण्याआधी अभिनेत्याने पक्ष सोडला. केरळचे भाजप उपाध्यक्ष राहिलेले अभिनेते एस देवन यांनी राजीनामा दिला. त्यांनी 2023 साली कोणतीही पूर्व सूचना न देता उपाध्यक्ष बनवण्यात आलं होतं. त्यानंतर 2026 साली त्यांना हटवून आर. श्रीलेखा यांना उपाध्यक्ष यांना करण्यात आलं. त्यानंतर पक्षाने दुर्लक्षित केल्याचा आरोप करत अभिनेते देवेन यांनी राजीनामा दिला.